رفعەت عەبدوڵلا: دامەزراوەی سەرۆك جەلال تاڵەبانی گرنگییەکی ئەم قۆناغەیە

PUKMEDIA

جێگری سەرۆکی یەکێتی و سەرۆکی دامەزراوەی سەرۆك جەلال تاڵەبانی

رۆژی سێشەممە 21ی نیسانی 2026 باڵیۆز د. محەمەد سابیر، سەرۆکی دامەزراوەی سەرۆك جەلال تاڵەبانی پێشوازی لە رفعەت عەبدوڵڵا، جێگری سەرۆکی یەکێتیی نیشتمانیی کوردستان و وەفدێکی یاوەری كرد.

لە دیدارێکدا هەردوولا هاوڕابوون لەسەر بەردەوامی و هەماهەنگی زیاتر بۆ فراوانبوونی پلان، کۆکردنەوە و پاراستنی ئەرشیفی سەرۆک تاڵەبانی و چالاکییەکانی دامەزراوەی سەرۆک جەلال تاڵەبانی.

لە بەشێکی دیکەی دیدارەکەدا جێگری سەرۆکی یەکێتی ئامادەیی و هاوکاریی خۆی بۆ پەرەپێدانی دامەزراوەکە دەربڕی و دامەزراوەکەشی بە گرنگییەکی ئەم قۆناغە وەسف کرد.

ئەم سەردان و دیدارانە لە چوارچێوەی هەوڵە بەردەوامەکانی دامەزراوەی سەرۆک جەلال تاڵەبانی-یە بۆ بەهێزکردنی پەیوەندییە دامەزراوەییەکان، ئاڵوگۆڕی ئەزموون و بیرۆکە لەبواری رۆشنبیری، کولتووری، کۆمەڵایەتی، هۆشیاریی کۆمەڵگە و ژینگە.

PUKMEDIA