قوباد تاڵەبانی و سەرۆکوەزیرانی ئەلبانیا پەیوەندییە دووقۆڵییەکان تاوتوێ دەکەن

راگەیاندنی قوباد تاڵەبانی

قوباد تاڵەبانی وئێدی راما سەرۆکوەزیرانی کۆماری ئەلبانیا

قوباد تاڵەبانی جێگری سەرۆکوەزیرانی هەرێمی کوردستان لە پەراوێزی کۆڕبەندی دێڵفی لەگەڵ ئێدی راما سەرۆکوەزیرانی کۆماری ئەلبانیا کۆبووەوە و  باسیان لە کاری هاوبەش بۆ دروستکردنی پەیوەندییەکی بەهێز لە بوارەکانی کولتووری و گەشتیاری و وەبەرهێنان لەنێوان هەرێمی کوردستان و وڵاتی ئەلبانیادا کرد.

لە کۆبوونەوەکەدا، گفتوگۆیەکی بەسوودیان کرد لەبارەی چۆنییەتی کاری هاوبەش بۆ دروستکردنی پەیوەندییەکی بەهێز لە بوارەکانی کولتووری و گەشتیاری و وەبەرهێنان لەنێوان هەرێمی کوردستان و وڵاتی ئەلبانیادا.

هەر لە کۆبوونەوەکەدا، سەرۆکوەزیرانی کۆماری ئەلبانیا، ستایشی هەڵوێستی ژیرانە و بێ لایەنانەی هەرێمی کوردستانی کرد لە جەنگی ئەمریکا و ئیسرائیل لەگەڵ ئێران.

هەردوولا هیوایان خواست ئەمریکا و ئێران لە قۆناغی ئاگربەستدا بتوانن کێشەکانی نێوانیان لەڕێگەی گفتوگۆوە چارەسەر بکەن و ئاشتی و سەقامگیری بۆ ناوچەکە بگەڕێتەوە.

لە کۆتایشدا، سەرۆکوەزیرانی کۆماری ئەلبانیا بانگهێشتی قوباد تاڵەبانی کرد بۆ وڵاتەکەی و لە بەرامبەریشدا، قوباد تاڵەبانی سوپاسی بانگهێشتە  رەسمییەکەی کرد و رایگەیاند بە شانازییەوە لە داهاتوویەکی نزیکدا و بە ئامانجی دروستکردنی پەیوەندییەکی پتەو لەنێوان هەردوو وڵاتدا سەردانی کۆماری ئەلبانیا دەکەم.

PUKMEDIA