پەرلەمانتارانى یەکێتى هەوڵى بەهەمیشەیى کردنى مامۆستایانى گرێبەست دەدەن

نوسینگەى راگەیاندنى ئەنجومەنى نوێنەران

ئەنجومەنی نوێنەرانى عیراق

ئه‌ندامێكی فراكسیۆنی یه‌كێتی له‌ ئه‌نجومه‌نی نوێنه‌رانی عیراق بە نوسراوى رەسمى داواى لە سەرۆکی ئەنجومەنی نوێنەران کرد، کە مامۆستایانی گرێبەست مووچەکانیان بخرێتە سەر حکوومەتی فیدراڵ و بکرێنە هەمیشەیی.

پۆڵا سیروان دێڕەشەیی ئەندامى ئەنجومەنى نوێنەرانى عیراق لە فراکسیۆنى یەکێتیى نیشتمانیى کوردستان رایگەیاند: ئەمڕۆ 23ى4ى2026 بە نووسراوێکی رەسمی داوام لە سەرۆکی ئەنجومەنی نوێنەران کرد، کە لە یاسای بودجەی ساڵی 2026 یان هەر یاسایەکی دیکەی بودجە کە لە داهاتوودا پەسەند دەکرێت، مووچەى 39 هەزار مامۆستای گرێبەست بکرێتە سەر بودجەی فیدراڵی و پاشان بکرێنە هەمیشەیی، کە مافێکی یاسایی و مرۆیی و دەستووریی خۆیانە.

ئاشکراشى کرد: سەرۆکی ئەنجومەنی نوێنەرانى عیراق ئیمزای لەسەر نووسراوەکە کرد و رەوانەی لایەنی پەیوەندیداری کردووە.

PUKMEDIA