نرخى نەوت لەکاتى دانوستان و ئاگربەستدا

PUKMEDIA

نرخی نەوت لە جیهان

نرخى نەوت لە بازاڕەکانى جیهاندا بەردەوام لە گۆڕانکاریدایە، بەهۆى جەنگى نێوان ئێران و ئەمریکا و ئیسرائیل، هاوکات  ئاگربەستى نێوانیان رۆڵێکى کاریگەرى لە گۆڕانکارى نرخەکانى نەوتدا هەیە، لە ئێستاشدا چاوەکان لەسەر دانوستانەکانن.

لە کاتی داخستنی مامەڵە بازرگانییەکان لە کۆتایی هەفتەدا، نرخی بەرمیلێک نەوتی خاوی برێنت بە بڕى زیاتر لە 105 دۆلار مامەڵەی پێوەدەکرێت و نرخی بەرمیلێک نەوتى خاوى تەکساسى ئەمریکاش بە  بڕى 94 دۆلار مامەڵەی پێوەدەکرێت و زیاتر %1 ى بەهاکەى لەدەستدا.

وا بڕیارە ئەمڕۆ وەفدى ئێران و ئەمریکا بگەنە ئیسلام ئاباد بە مەبەستى دانوستان و بازرگانانی نەوت بە وردی چاودێری دۆخی سەربازی و جەنگ دەکەن، چونکە هەر بەرەوپێشچوونێک لە پرسی گەرووی هوورمز یان بەردەوامیی گەمارۆکان، بە خێرایی لە بازاڕدا رەنگ دەداتەوە.

PUKMEDIA