لەكەركوك باڵەخانەیەك روخاو گیانلەدەستدان و بریندار هەیە

PUKMEDIA

رووداوەكەی كەركوك

لەگەڕەكی وەحدەی كەركوك، باڵەخانەیەك روخاو بەپێی زانیارییە سەرەتاییەكان گیانلەدەستدان و بریندار هەیە.

ئەمڕۆ دووشەممە 27ی 4ی 2026، لەكاتی تێكردنی سەقفی نهۆمی دووەمی باڵەخانەیەك لەگەڕەكی وەحدەی كەركوك، باڵەخانەكە روخاو بەپێی زانیارییە سەرەتاییەكان دوو كەس گیانیان لەدەستداوەو  19 كەس بریندارن، هاوكات ژمارەیەك كرێكاریش بێسەروشوێنن.

دوای رووداوەكەش دەستبەجێ بەرگری شارستانی و تیمەكانی تەندروستی و لایەنە پەوەندیدارەكانی كەركوك گەیشتنە شوێنی رووداوەكەو بریندارەكان رەوانەی نەخۆشخانەكراون.

ئەمەش لەكاتێكدایە، ئێوارەی دوێنێ 26ی 4ی 2026، رووداوێكی سەختی هاتووچۆ لەدەروازەی شاری كەركوك لەنێوان بارهەڵگرێك و چەند ئۆتۆمبێلێكدا روویداو ژمارەیەكی زۆر گیانلەدەستدان و برینداری لێكەوتەوە.

PUKMEDIA