سه‌رۆك بافڵ و عه‌لی زه‌یدی كۆده‌بنه‌وه‌

میدیاکان

سەرۆک بافڵ و عەلی زەیدی

 بڕ‌یاره‌ ئه‌مڕ‌ۆ 2ی5ی2026، عه‌لی زه‌یدی راسپێردراو بۆ پێكهێنانی حكومه‌تی نوێی فیدڕ‌اڵی، سه‌ردانی سلێمانی بكات و له‌گه‌ڵ بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان كۆببێته‌وه‌ و تاوتوێی پێكهێنانی حكومه‌ت و پێشهاته‌كانی ناوچه‌كه‌ بكه‌ن.

سه‌رۆك بافڵ: پشتگیری له‌حكومه‌تی نوێ ده‌كه‌ین

بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان، له‌ رۆژی 27ی4ی2026، پیرۆزبایی له‌ عه‌لی زه‌یدی كرد، به‌بۆنه‌ی راسپاردنی بۆ پێكهێنانی حكومه‌تی نوێی عیراق، هه‌روه‌ها دووپاتی كرده‌وه‌، كه‌ هیوای سه‌ركه‌وتن بۆ به‌ڕ‌ێزیان ده‌خوازین له‌م ئه‌ركه‌ گرنگه‌دا، یارمه‌تیده‌ری ده‌بین سه‌ركه‌وتووبێت له‌پێكهێنانی حكومه‌تێكی به‌توانا و گشتگیر و هاوكاری ئه‌و حكومه‌ته‌ ده‌بین تا عیراق له‌و قه‌یرانه‌ ئابووری و ئه‌منییانه‌ ده‌رباز بكات كه‌ ڕ‌ووبه‌ڕ‌ووی بووه‌ته‌وه‌.

چوارچێوه‌ی هه‌ماهه‌نگی له‌ كۆتاییدا بڕ‌یاریاندا

چوارچێوه‌ی هه‌ماهه‌نگی رۆژی 27ی4ی2026، عه‌لی زه‌یدی بۆ پێكهێنانی حكومه‌تی نوێ دیاریکرد، ئه‌مه‌ش دوای ئه‌وه‌ هات بۆ ماوه‌یه‌كی زۆر نه‌یانده‌توانی ئه‌و پرسه‌ یه‌كلایی بكه‌نه‌وه‌، هه‌روه‌ها به‌و پێیه‌ی گه‌وره‌ترین فراكسیۆنی په‌رله‌مانین، ئه‌وه‌ به‌پێی ده‌ستوور ئه‌وان كه‌سایه‌تییه‌ك بۆ پێكهێنانی حكومه‌ت راده‌سپێرن.

 سه‌رۆككۆمار زه‌یدی راسپارد

هەر هەمان رۆژ نزار ئامێدی سه‌رۆككۆماری عیراق، عه‌لی زه‌یدی بۆ پێكهێنانی حكومه‌ت راسپارد و مه‌رسومی كۆماری بۆ ده‌ركرد و رایگه‌یاند: راسپاردنی عه‌لی زه‌یدی به‌پێی ده‌ستووره‌ و هیوایشی خواست، ئه‌مه‌ هه‌نگاوێك بێت بۆ كاركردنی و هیوای سه‌ركه‌وتنی بۆ خواست.

PUKMEDIA