ئاسایش دەستگیركردنی نۆ تیرۆرست رادەگەیەنێت

دەزگای ئاسایشی هەرێم

ئۆپراسیۆنی ئاسایش

بەڕێوەبەرایەتی گشتی ئۆپراسیۆنەكانی ئاسایش، بەهەماهەنگی و ئاڵۆگۆڕی زانیاری ورد لەگەڵ دەزگا ئەمنییەكانی عیراق لەسنووری (سلێمانی و چەمچەماڵ و شارەزوور و ئیدارەی سەربەخۆی راپەرین) توانیان نۆ تیرۆرستی داعش دەستگیربكەن.

دەزگای ئاسایشی هەرێم رایگەیاند: ئاسایش لەماوەی 1 تا 27ی 4ی 2026، لەچەند چالاكییەكی جیاوازدا، دوای بەدواداچوون و دەستنیشانكردنی شوێنی تیرۆریستان توانی سەرجەم ئەندامانی ئەو گرووپە تیرۆریستییە دەستگیربكات كە لەڕابردوودا ئەندامی چالاكی داعش بوون.

راشیگەیاند: لەئێستادا سەرجەم تیرۆریستان بە ماددەكانی 2 و 4 یتیرۆر، راگیراون و لێكۆڵینەوە لە دۆسییەكانیان بەردەوامە.

PUKMEDIA