نرخی نەوت بەردەوامە لەدابەزین

PUKMEDIA

پاڵاوگەیەکی نەوت

نرخى نه‌وت له‌ بازاڕه‌كانى جیهاندا تاڕادەیەک نزمبوونەوەی بەخۆوە بینى، به‌وته‌ی شاره‌زایانی ئابوریش هۆكاری نزمبوونەوەکە بۆ چاوەڕوانی گه‌یشتن به‌ ڕێككه‌وتنی ‌نێوان ئه‌مریكا و ئێران ده‌گه‌ڕێته‌وه،‌ كه‌ ببێته‌ هۆی كردنه‌وه‌ی گه‌روی هورمز.

ئەمڕۆ هەینی 8ی5ی2026، نرخى نه‌وت له‌ بازاڕه‌كانى جیهاندا تاڕادەیەک نزمبوونەوە بەخۆوە بینى، بەجۆرێک نەوتی برێنت بە 101 دۆلار و 2 سەنت مامەڵەی پێودەكرێت و نەوتی خاوى تەکساس بە 95 دۆلارو 63 سەنت مامەڵەی پێوەدەكرێت.

ئەمەش لەکاتێکدایە، ئەمریکا و ئێران سەرەتای مانگی نیسانی ئەمساڵ یەکەمین خولی دانوستانی راستەوخۆی خۆیان لە ئیسلام ئاباد ئەنجامدا، بەڵام ئەم دانوستانانە نەیانتوانی هیچ ئەنجامێک بەدەست بهێنن، ئەوەش وایکرد ترەمپ لە 13ی نیساندا گەمارۆی دەریایی بۆ سەر بەندەرەکانی ئێران بسەپێنێت، له‌ئێستاشدا به‌پێی ئاژانسی رۆیته‌رز، نزیكبونه‌وه‌ له‌نێوان هه‌ردوولا بۆ گه‌یشتن به‌ڕێكکه‌وتن و كردنه‌وه‌ی گه‌روی هورمز له‌ئارادایه‌.

PUKMEDIA