ئەمریکا و ئێران یەکتری بە پێشێلکردنی ئاگربەست تۆمەتبار دەکەن

رویتەرز

گەروی هورمز

شەوی پێنجشەممە و بەرەبەیانی هەینی رووبەڕووبوونەوەی سەربازی لە نێوان ئەمریکا و هێزی دەریایی ئێران لە دەریای عوممان و گەرووی هوورمز روویدا. هەردوولا یەکتری بە پێشێلکردنی ئاگربەست تۆمەتبار دەکەن.


لەوبارەیەوە سوپای ئێران دەڵێت: ئەمریکا دوو کەشتی لە گەرووی هوورمز و ناوچە مەدەنییەکانی باشووری ئێرانی کردوەتە ئامانج، بۆیە لە وەڵامدا کەشتییە جەنگییەکانیان کردوەتە ئامانج و زیانیان پێگەیاندوون. هەروەها باسی لە هێرشکردنە سەر بەندەرەکانی خەمیر و سیریک و دوورگەی قیشم کرد.

لەلایەکی ترەوە سێنتکۆم رایگەیاند: ئێران هێرشی کردوەتە سەر کەشتییە ئەمریکییەکان، وتیشی ئێمە لە حاڵەتی بەرگریداین و دامەزراوە سەربازییەکانی ئێرانمان بە ئامانجگرتووە.

PUKMEDIA