رێکخراویFAO: بۆ سێیەم مانگ نرخەکانی خۆراک لە جیهاندا بەرزدەبێتەوە

mawazin

گەنم

رێكخراوی (FAO)   هۆشداریداوه‌ كه‌ نرخی خۆراك له‌ بازاڕ‌ه‌ جیهانییه‌كاندا بۆ سێیه‌م مانگ له‌سه‌ر یه‌ك رووی له‌ به‌رزبوونه‌وه‌ كردووه‌، له‌كاتێكدا وشكه‌ساڵی و كه‌مبوونه‌وه‌ی به‌رهه‌می گه‌نم و گرانبوونی نه‌وت كاریگه‌ریی خراپیان له‌سه‌ر نرخه‌كانی خواردن دروستكردوه‌.

رێكخراوی خۆراك و كشتوكاڵی سه‌ر به‌ نه‌ته‌وه‌یه‌كگرتووه‌كان (فاو) رایگه‌یاندوه‌: بۆ سێیه‌م مانگ له‌سه‌ریه‌ك نرخی خۆراك له‌ بازاڕ‌ه‌كانی جیهاندا رووی له‌ به‌رزبوونه‌وه‌ كردووه‌.

رێكخراوی FAO له‌ به‌یاننامه‌یه‌كدا ئاماژه‌ی به‌وه‌شكردووه‌: زه‌یتی رووه‌كی گه‌وره‌ترین رێژه‌ی به‌رزبوونه‌وه‌ی به‌خۆیه‌وه‌ بینیوه‌، ئه‌مه‌ش به‌هۆی ئه‌وه‌ی گرانبوونی نرخی نه‌وتی خاو .

رێكخراوی(FAO) روونی كردووه‌ته‌وه‌، كه‌ نیگه‌رانی له‌ كه‌مبوونه‌وه‌ی به‌رهه‌مهێنانی گه‌نم له‌باشووری رۆژهه‌ڵاتی ئاسیا، یه‌كێكه‌ له‌هۆكاره‌كانی به‌رزبوونه‌وه‌ی نرخه‌كانی خۆراك له‌جیهاندا.

به‌هۆی ترسی وشكه‌ساڵی له‌ ئه‌مریكا و ئوسترالیا، هه‌روه‌ها بوونی به‌رده‌وامی جه‌نگ له‌جیهاندا، نرخی گه‌نم به‌ رێژه‌ی له‌سه‌دا 0.8% به‌رزبووه‌ته‌وه‌.

رێكخراوی FAO ئاماژه‌ی به‌ئه‌وه‌شكردووه‌، كه‌ ره‌نگه‌ جوتیاران له‌م ساڵدا له‌جیاتی چاندنی گه‌نم ئه‌و به‌رهه‌مانه‌ی كه‌ تێچوویان كه‌متره‌ بیچێنن، ئه‌مه‌ش ده‌توانێت ببێته‌ هۆی كه‌مبوونه‌وه‌ی گه‌نم و زیاتر به‌رزبوونه‌وه‌ی نرخه‌كان.

PUKMEDIA