یەكەم كاروانی سەرنشینەكانی كەشتی هۆندیۆس گوازرانەوە

hersfelder zeitung

پڕۆسەی گواستنەوەی سەرنشینەكانی كەشتی هۆندیۆس

پڕۆسەی گواستنەوەی یەكەم كاروانی سەرنشینەكانی ناو كەشتی هۆندیۆس، لەژێر رێكارێكی تەندروستی توندوتۆڵ لەڕێگەی پاسەوە دەستیپێكرد.

پاسەكان بەرەو فڕۆكەخانەی تێنەرێف بەڕێدەكەون، كە لەنێوان شۆفێری پاسەكان و سەرنشینەكاندا كابینەیەكی بەربەست هەیە بۆ رێگریكردن لەبەركەوتن و تەواوی كورسییەكانیش بەپلاستیك رووپۆشكراون.

هاوكات رێكخراوی تەندروستی جیهانی  و تیمەكانی تەندروستی ئیسپانیا، بە هەماهەنگی كار دەكەن بۆ جێبەجێكردنی ئەركەكان بە شێوەیەكی دروست.
 
ئەمەش لەكاتێكدایە، كەشتی هۆندیۆس-ی هۆڵەندی، نزیكەی سێ هەفتە لەمەوبەر لە ئەرجەنتینەوە بۆ جەمسەری باشوور بەڕێكەوت، بەڵام دوای 12 رۆژ گەشتیارێكی بەتەمەن گیانی لەدەستداو دوو رۆژ دواتریش هاوسەرەكەی گیانی لەدەستدا،پاش دەركەوتنی نیشانەكان لەكەسی سێیەم، دەركەوت كە تووشی ڤایرۆسی (هانتا) بوون، بەپێی ئامارەكانی رێكخراوی تەندروستیی جیهانیش، تاوەكو ئێستا هەشت تووشبوو بەو ڤایرۆسە لەناو كەشتییەكەدا تۆماركراون، كە سیانیان گیانیان لەدەستداوە و پێنجی دیكەش هەڵگری ڤایرۆسەكەن.

وەزارەتی تەندروستی عیراق-یش رایگەیاندووە: تاوەكو ئێستا هیچ حاڵەتێكی توشبوون بەو ڤایرۆسە لەعیراق تۆمار نەكراوەو هەموو رێكارێكیش بۆ روبەڕوبوونەوەو رێگریكردن لەبڵاوبوونەوەی دەگرنەبەر.

ڤایرۆسی هانتا (Hantavirus)، لەئێستادا ترس و دڵەڕ‌اوكێ لای هاووڵاتییان دروست كردووە، لەكاتێكدا جیاواز لەزۆربەی ڤایرۆسەكان لەهەواوە بۆ مرۆڤ ناگوازرێتەوەو یەكێكیشە لەمەترسیدارترین ئەو ڤایرۆسانەی كە لەئاژەڵەوە بۆ مرۆڤ دەگوازرێتەوە.

PUKMEDIA