پلەی زیاتر لە 2 هەزار ئەفسەری وەزارەتی پێشمەرگە بەرزدەکرێتەوە

PUKMEDIA

لۆگۆی وەزارەتی پێشمەرگە

وەزیری پێشمەرگە ئیمزا لەسەر پلە بەرزکردنەوەی زیاتر لە 2 هەزار ئەفسەری وەزارەتی پێشمەرگە دەکات و دڵنیایشیان دەداتێ به‌ زووترین كات شایسته‌ی پله‌به‌رزكردنه‌وه‌كانیان ده‌گه‌ڕ‌ێته‌وه‌ وه‌زاره‌تی پێشمه‌رگه‌.

شۆڕ‌ش ئیسماعیل وه‌زیری پێشمه‌رگه‌ی حكومه‌تی هه‌رێمی كوردستان له‌په‌یامێكدا رایگه‌یاند: ئه‌مڕ‌ۆ به‌خۆشحاڵییه‌كی زۆره‌وه‌، خشته‌كانی پله‌به‌رزكردنه‌وه‌ی ئه‌فسه‌ره‌ قاره‌مانه‌كانی وه‌زاره‌تی پێشمه‌رگه‌ ڕ‌اده‌گه‌یه‌نین، له‌سه‌ره‌تای ده‌ستبه‌كاربوونمانه‌وه‌ كه‌ وه‌ك تیمێكی یه‌كگرتوو هه‌وڵێكی زۆرمان داوه‌ تا ئه‌م پرۆسه‌یه‌ له‌كات و ساتی یاسایی خۆیدا جێگیر بكه‌ین.

وتیشی: بڕ‌وای ته‌واومان وایه‌ كه‌ پله‌به‌رزكردنه‌وه‌ی ئه‌فسه‌ران، ده‌بێته‌ وزه‌یه‌كی نوێ و پاڵنه‌رێكی به‌هێز بۆ ئه‌وه‌ی به‌ وره‌یه‌كی به‌رزتره‌وه‌ وه‌ك قه‌ڵایه‌كی پۆڵایین له‌ پارێزگاریكردن له‌ خاك و شكۆی گه‌لی كوردستان به‌رده‌وام بن، لێره‌شه‌وه‌ دڵنیایی به‌ ئه‌و ئه‌فسه‌رانه‌ ده‌ده‌ین كه‌ ناویان له‌ خشته‌كانی دیكه‌دایه‌، به‌ زووترین كات شایسته‌ی پله‌به‌رزكردنه‌وه‌كانیان ده‌گه‌ڕ‌ێته‌وه‌ وه‌زاره‌تی پێشمه‌رگه‌.

به‌پێی زانیارییه‌كانی PUKMEDIA، وه‌زیری پێشمه‌رگه‌ ئیمزای له‌سه‌ر پله‌به‌رزكردنه‌وه‌ی 2هه‌زار و 364 ئه‌فسه‌ری وه‌زاره‌تی پێشمه‌رگه‌ كردوه‌و پله‌كانیان به‌رزكرایه‌وه‌.

PUKMEDIA