ڕاوێژکارێکی سەرۆک وەزیران: سەرسامم بە سادەیی و مرۆڤدۆستی قوباد تاڵەبانی

PUKMEDIA

قوباد تاڵەبانی لەکاتی بەستنی قەیتانی پێڵاوەکانی منداڵێکی داون

ڕاوێژکارێکی سەرۆک وەزیرانی عیراق بۆ کاروباری وەرزش و لاوان لە نامەیەکدا، ستایشی سادەیی و سەرکردایەتی قوباد تاڵەبانی دەکات و وەک درێژەپێدەری ڕێبازە مرۆڤدۆستییەکەی سەرۆک مام جەلال وەسفی دەکات.

د.ئەیاد بنیان راوێژكاری سەرۆك وەزیرانی عیراق بۆ كاروباری وەرزش و لاوان  لەنامەیەکدا کە ئاراستەی فرسەت ئیبراهیم شاڵی سەرۆکی پاڕائۆلۆمپی عیراقی بە وەکالەت کردەوە تیایدا نووسیویەتی: پیرۆزبایتان لێدەکەم کە کەسایەتییەکی وەک قوباد تاڵەبانیتان هەیە، چونکە لوتکەیەکە لە سادەیی و مرۆڤدۆستیی.

راشیگەیاندووە: سوێند بە خودا زیادەڕەوی ناکەم ئەگەر بڵێم لە مەراسیمەکەی ئەمڕۆدا، هەستم بە هەناسەکانی سەرۆکی کۆچکردوو مام جەلال دەکرد، لەژیانی خۆمدا لەگەڵ زۆر سیاسی كارمكردووە، بەڵام بۆ یەكەمجارە دەبینم گەنجێكی سەركردەی وەک قوباد تاڵەبانی تەنها بەئامادەبوونی خەڵك سەرسامم دەكات، ئەمە بەشێكی زیندووە لەجەنابی مام جەلال كە بۆ ئێمە ماوەتەوە .

ئەو راوێژکارەی سەرۆکوەزیرانی عیراق لەنامەکەدا ئاماژەی بەوەشکردووە،  ئێوە لەهەرێمی كوردستان زۆر خۆشحاڵ بن چونكە جەنابی كاك قوبادتان هەیە، من زۆر دەمێكە ناو و ناوبانگیم بیستووە، بەڵام یەكەمجارە من بەدیداری شاد دەبم ، هەرچەندە من تەمەنم لەو زیاترە بەڵام زۆری لێوە فێر بووم.
PUKMEDIA