رووسیا: ئاگربەست کۆتایی هات و جەنگ بەردەوامە

ئاژانسەکان

مووشەکی رووسی

 وەزارەتی بەرگری رووسیا کۆتاییهاتنی ئاگربەستی راگەیاند و چەند پێگەی ستراتیژی لە ئۆکراین بە ئامانج گرت.
 
بەپێی ماڵپەڕی سپۆتینکی رووسی، وەزارەتی بەرگری رووسیا،رایگەیاند: ماوەی ئاگربەست کۆتایی هاتووە و هێزەکانیان دەستیان بە ئەنجامدانی هێرشە سەربازییەکانیان بۆ سەر ئامانجە دیاریکراوەکان لە ناو خاکی ئۆکراین کردووەتەوە.
 
وەزارەتی بەرگری رووسیا ئاماژەی بەوەشکردووە:بە بڕیاری فەرماندەی باڵای هێزە چەکدارەکان و بەبۆنەی یادی 81 هەمین ساڵەی سەرکەوتن، سەرجەم هێزەکانیان رۆژی 8ی ئایار تاوەکو 11ی ئایار پابەندی ئاگربەست بوون و لە شوێن و پێگەکانی خۆیاندا جێگیر بوون و هیچ هێرشێکیان ئەنجام نەداوە.
 
وەزارەتەکە لە بەشێکی دیکەی راگەیەندراوەکەیەدا دەستپێکردنەوەی جەنگی راگەیاند و دەڵێت: لەگەڵ کۆتاییهاتنی وادەی ئاگربەستەکە، سوپای رووسیا دەستی بە ئۆپەراسیۆنەکان کردووەتەوە و هێرشی بەرفراوانیان کردووەتە سەر چەند ئامانجێکی ستراتیژی لە ژێرخانی وزە و کەرتی گواستنەوەی  ئۆکراین.

ئەمەش لە کاتێکدایە، رووسیا لە رۆژی 24ى2ى2022 هێرشى کردە سەر ئۆکراین و سەرباری چەندین هەوڵی ئاگربەست و کۆتایی هاتنی، بەڵام تاوەکو ئێستا جەنگەکە بەردەوامە و رووسیا زیاتر لە %21ی خاکی ئۆکراینی کۆنترۆڵکردووە و ئۆکراینیش بە مەرجی وەرگرتنەوەی ئەو ناوچانە ئامادەیە جەنگ رابگرێت، بۆیە تاوەکو ئێستا بەرەو پێشچوونێکی ئەوتۆ لە وەستانی جەنگ لە نێوان ئەو دوو ووڵاتەدا بەدینەهاتووە.

PUKMEDIA