تره‌مپ كوشتنی دووه‌م فه‌رمانده‌ی داعش-ی راگه‌یاند

businesstoday

دۆناڵد تره‌مپ سه‌رۆكی ئه‌مریكا

سه‌رۆكی ئه‌مریكا كوشتنی دووه‌م فه‌رمانده‌ی تیرۆرستانی داعشی له‌ نێجیریا راگه‌یاند و ده‌شڵێت،" ئێمە‌ش له ‌هه‌موو جیهان سه‌رچاوه‌مان هه‌یه‌ و كه‌س ناتوانێت له‌ده‌ستمان هه‌ڵبێت".

دۆناڵد تره‌مپ سه‌رۆكی ئه‌مریكا ر‌ۆژی هه‌ینی ر‌ایگه‌یاند، ئه‌بو بیلال ئه‌لمینوكی، دووه‌م فه‌رمانده‌یی داعش له‌سه‌ر ئاستی جیهان، له‌ ئۆپه‌راسیۆنێكدا كه‌ هێزه‌كانی ئه‌مریكا و نه‌یجیریا ئه‌نجامیاندا، كوژرا.

ده‌شڵێت: هێزه‌ ئازاكانی ئه‌مریكا و هێزه‌ چه‌كداره‌كانی نه‌یجیریا به‌بێ كه‌موكوڕ‌ی ئه‌ركێكی ورد و پلان بۆ داڕ‌ێژراو و زۆر ئاڵۆزیان جێبه‌جێ كرد بۆ نه‌هێشتنی چالاكترین تیرۆرست له‌ جیهاندا له‌ به‌ره‌كانی شه‌ڕ‌، كه‌ ئه‌ویش ئه‌بو بیلال ئه‌لمینوكی-یه‌، كه‌ دووه‌می فه‌رمانده‌یی داعشه‌ له‌ ئاستی جیهان، هه‌رچه‌نده‌ ئه‌و پێیوابوو ده‌توانێت خۆی له‌ ئه‌فریقا بشارێته‌وه‌، به‌ڵام نەیزانی كه‌ ئێمه‌ سه‌رچاوه‌مان له‌هه‌موو جیهان هه‌یه‌.

ئه‌بو بیلال ئه‌لمینوكی له‌ساڵی 2023 له‌لایه‌ن ئیداره‌ی بایدنه‌وه‌ به‌ 'تیرۆریستی جیهانی تایبه‌ت' ناوزه‌د كرا و دوێنی له ‌ئۆپراسیۆنێكی سه‌ركه‌وتوودا كوژرا.

PUKMEDIA