لیستی مووچەو تەرازووی پێداچوونەوە رەوانەکراو هەرێم چاوەڕوانی ناردنی پارەیە

PUKMEDIA

پارەی عیراقی

هەرێم لیستی مووچەی مانگی ئایار و تەرازووی پێداچونەوەی بۆ بەغداد نارد و پێش جەژنی قوربان چاوەڕوانی مووچەیەکی دیکە دەکات.

ئەمڕۆ  پێنجشەممە  21-5-2026 لیستی مووچەی مانگی ئایاری فەرمانبەران و مووچەخۆرانی هەرێمی کوردستان و راپۆرتی تەرازووی پێداچوونەوەی مانگی نیسان لەلایەن تیمی تەکنیکیی وەزارەتی دارایی و ئابووریی هەرێمی کوردستانەوە رادەستی بەڕێوەبەرایەتی ژمێریاریی وەزارەتی دارایی حکوومەتیی عیراق کران.

بەپێی زانیارییەکان، تیمەکە چەند نووسراوێکیان ئامادەکردووە بۆ بابەتی تەمویلکردنی مووچە و تیمەکە لە بەغداد دەمێننەوە.

دوێنێ وەزیری دارایی عیراق بەڕێوەبەرایەتی ژمێریاری وەزارەتی دارایی راسپارد رۆژی هەینی و شەممە دەوام بکەن، تاوەکوو گرەنتی دابەشکردنی مووچەی فەرمانبەران و خانەنشینان پێش جەژن بکرێت.

PUKMEDIA