رۆیتەرز: قەتەر وەفدێكی دانوستانكار رەوانەی تاران دەكات

رۆیتەرز

فڕۆكەیەكی هێڵی ئاسمانيی قەتەری

ئاژانسی هەواڵی رۆیتەرز رایگەیاند: تیمێكی دانوستانكاری قەتەری ئەمڕۆ هەینی گەیشتوونەتە تاران بۆ ئەوەی ئاسانكاری بۆ رێككەوتنێك بكەن بۆ كۆتاییهێنان بە شەڕ و چارەسەركردنی كێشە هەڵپەسێردراوەكانی نێوان ئێران و ئەمەریكا.

راشیگەیاند: وەفدەكە لەلایەن قەتەرەوە رەوانەی تاران كراوە بۆ یارمەتیدانی پێشخستنی دانوستانەكان و كەمكردنەوەی گرژییەكانی نێوان ئەمەریكا و ئێران.

قەتەر لە ساڵانی رابردوودا رۆڵی نێوەندگیری لەچەندین قەیرانی ناوچەیی و نێودەوڵەتیدا بینیوە، لەوانە شەڕی غەززە، بەڵام دوای ئەوەی ئێران دەستی دایە هێرشی مووشەكی و فڕۆكەی بێفڕۆكەوان بۆ سەر وڵاتانی كەنداو، دۆحە تا رادەیەكی زۆر دووركەوتووەتەوە لە بەشداریكردنی ڕاستەوخۆی شەڕی ئێران.

سەرچاوەكە ئاماژەی بەوەشكردووە: هاتنی تیمی قەتەر بۆ تاران دەكرێت نیشانەی زیادبوونی هەوڵە دیپلۆماسییەكان بێت بۆ گەیشتن بە رێككەوتن و رێگریكردن لە پەرەسەندنی زیاتری ململانێكان لە ناوچەكەدا.

PUKMEDIA