ئێران گەشتە ئاسمانییەکانى شەوان رادەگرێت

bloomberg

فڕۆکەیەک

ده‌سه‌ڵاتی فڕ‌ۆكه‌وانیی شارستانیی ئێران رایگه‌یاند: ته‌نها له‌ هه‌شت فڕۆكه‌خانه‌ نه‌بێت، له‌ سه‌رجه‌م فڕۆكه‌خانه‌كانی دیكه‌ گه‌شتی ئاسمانی شه‌وانه‌ راده‌گیرێن.

ده‌سه‌ڵاتی فڕ‌ۆكه‌وانیی شارستانیی ئێران له‌ بڕ‌یارێكی به‌په‌له‌دا رایگه‌یاند: ئه‌نجامدانی گه‌شته‌ ئاسمانییه‌كانی له‌ سه‌رتاسه‌ری وڵاته‌كه‌یدا سنووردار ده‌كات.

له‌ راگه‌یه‌ندراوه‌كه‌ی ده‌سه‌ڵاتی فڕ‌ۆكه‌وانیی ئێراندا هاتووه‌: له‌مه‌ودوا گه‌شته‌ ئاسمانییه‌كان له‌سه‌رجه‌م ئه‌و فڕ‌ۆكه‌خانانه‌ی له‌ناوخۆی ئێراندا كارده‌كه‌ن، ته‌نها بۆ كاته‌كانی رۆژ سنووردار ده‌كرێن.

هاوكات بڕ‌یاره‌كه‌ جه‌خت ده‌كاته‌وه‌، كه‌ گه‌شته‌كان ته‌نها له‌ كاتی "خۆرهه‌ڵاتنه‌وه‌ تا خۆرئاوابوون" ئه‌نجام ده‌درێن، به‌مه‌ش سه‌رجه‌م گه‌شته‌كانی شه‌وانه‌ له‌و وڵاته‌دا راده‌گیرێن، جگه‌ له‌هه‌شت فڕۆكه‌خانه‌ نه‌بێت كه‌ گه‌شتی شه‌وانیان ده‌بێت و ره‌چاوی شوێنی جوگرافی فڕۆكه‌خانه‌كانیش كراوه‌.


PUKMEDIA