قوباد تاڵەبانى: بەگەشبینییەوە دەڕوانینە سەرۆکایەتی نوێى یەکێتی تۆپی پێی عیراق

نوسینگەى راگەیاندنى قوباد تاڵەبانى

قوباد تاڵەبانی جێگری سەرۆکی حکومەتی هەرێمی کوردستان

قوباد تاڵەبانی جێگری سەرۆکی حکومەتی هەرێمی کوردستان، بەبۆنەی هەڵبژاردنی یونس مەحموود سەرۆکی نوێی یەکێتیی تۆپی پێی عیراق و هەردوو جێگرەکەی پەیامێکى پیرۆزبایى ئاڕاستەکردن، هاوکات  پیرۆزبایى لە مەحموود ئەحمەد جێگری سەرۆکی یانەی پێشمەرگەی سلێمانی کرد،  کە وەک ئەندامی نوێی یەکێتیی تۆپی پێی عیراق هەڵبژێردراوە.

دەقى پەیامەکە:

بەبۆنەی هەڵبژاردنیان، پیرۆزباییەکی گەرم لە بەڕێز یونس مەحموود، سەرۆکی نوێی یەکێتیی تۆپی پێی عیراق و هەردوو جێگرەکەی و هەموو ئەندامانی نوێی یەکێتییەکە دەکەم.

هەروەها پیرۆزباییەکی تایبەتیش لە بەڕێز کاک مەحموود ئەحمەد، جێگری سەرۆکی یانەی پێشمەرگەی سلێمانی دەکەم، کە وەک ئەندامی نوێی یەکێتیی تۆپی پێی عیراق هەڵبژێردراوە.

بە گەشیبینییەوە دەڕوانینە ئەم تیمە نوێیە و چاوەڕوانی ئەوەیان لێ دەکەین لە ماوەی ئەرکەکەیاندا بتوانن ژێرخانێکی بەهێز بۆ تۆپی پێی عیراق دروست بکەن و هەنگاوی گەورە بنێن بە ئاڕاستەى زیاتر بە پیشەیی کردنی تۆپی پێ.

هیواداریشین تۆپی پێی عیراق لە سەردەمی ئەواندا لەسەر ئاستی نێودەوڵەتییدا زیاتر بدرەوشێتەوە.

قوباد تاڵەبانی
جێگری سەرۆکی حکومەتی هەرێمی کوردستان

PUKMEDIA