مەکتەبی سکرتارییەت:رەشید خان و بنەماڵەکەی نموونەی باڵای خەباتی کوردایەتین

مەکتەبی سکرتارییەت

مەکتەبی سکرتارییەت سەردانی دارا مەجید حەمە رەشید خان دەکەن

رۆژی  24ی5ی2026، مەکتەبی سکرتارییەتی سەرۆک مام جەلال لە شاری سلێمانی سەردانی کەسایەتی و دۆستی دێرینی سەرۆک مام جەلال ( دارا مەجید حەمە رەشید خان ) یانکرد .

لەو سەردانەدا ؛ مەکتەبی سکرتارییەت بەڕێزەوە لە رۆڵی دارا مەجید حەمە رەشید خان رووانی وەک یەکێک لە کەسایەتیە پایەبەرزەکانی کوردستان و دۆستی دێرینی سەرۆک مام جەلال لەم بارەوە هیوای تەندروستی باشترییان بۆ خواست .

مەکتەبی سکرتارییەتی سەرۆک مام جەلال؛ بە گرنگییەوە خەبات و تێکۆشانی بنەماڵەی رەشید خان ییان هێنایەوە بەر باس وەک بنەماڵەیەکی گەورەی کوردپەروەر و خەمخۆر کە هەر لەسەرەتاوە بەشێک بوون لە خەباتی کوردایەتی کە بەڕێز کاک دارا ـ ش وەک کەسایەتیەکی بیرمەند و رووناکبیر خاوەن پەیوەندییەکی پتەو توند و تۆڵ بوو لەگەڵ سەرۆک مام جەلال؛ لەم دیدەوە مەکتەبی سکرتارییەتی سەرۆک مام جەلال پەیام و سڵاوی وەفاداری سەرۆک بافڵ و هەڤاڵ قوباد تاڵەبانی ییان ئاڕاستەکرد و پێزانینیان بۆ ئەو مێژووە درەوشاوەیەی کاک دارا و بنەماڵە تێکۆشەرەکەی دەربڕی .

لە بەرامبەردا، دارا مەجید حەمە رەشید خان سوپاسی ئەو بەسەرکردنەوەی کردو وتی: راستە جەنابی مام بە جەستە لەگەڵ مان نییە ، بەڵام بە دەستگرتنمان بە رێباز و تێڕوانینەکانیەوە بۆ سیاسەت و دەوڵەتداری دەمانگەیەنێتە لوتکەی پێشکەوتنەکان کە ئەوەش رێگا راستەکەی خەبات و تێکۆشانە بۆ گەلەکەمان .

PUKMEDIA