مەکتەبى سکرتارییەت: چەمچەماڵ و چەمچەماڵییەکان بەشێکی گرنگی شۆڕشی نوێ بوون

راگەیاندنى مەکتەبی سکرتارییەتی سەرۆک مام جەلال

وێنەیەکى سەردانەکە

چەمچەماڵ و چەمچەماڵییەکان بەشێکی گرنگی شۆڕشی نوێ بوون و یەکێتییەکی سەر راست و بەوەفای رێبازەکەی مام بوون .

ئەمڕۆ دووشەممە 25ى5ى2026 مەکتەبی سکرتارییەتی سەرۆک مام جەلال لە شاری چەمچەماڵ سەردانی پێشمەرگە و تێکۆشەری دێرین هەڤاڵ مەدحەت عەلی محەمەد ناسراو بە ( مەدحەت قۆچەلی)یان کرد .

لەو سەردانەدا، مەکتەبی سکرتارییەتی سەرۆک مام جەلال بە گرنگییەوە لە هەواڵ و بارودۆخی تەندروستی هەڤاڵ مەدحەت قۆچەلی یان پرسییەوە و هیوای سەلامەتی و تەندروست باشیی زیاتر یان بۆ خواست .

مەکتەبی سکرتارییەتی سەرۆک مام جەلال ستایشی خەبات و تێکۆشانی چەمچەماڵ و چەمچەماڵییەکانیان کرد وەک بەشێکی کارا و کاریگەری شۆڕشی نوێ کە رژێمی بەعسی رووخاو بە هەموو توانای سەربازی خۆی نەیتوانی دەنگی دلێری خەباتگێڕەکانی ئەو شارە بێدەنگ بکات، هەڤاڵ مەدحەت قۆچەل - یش مەچەکێکی قایم و بەهێزی پێشمەرگە بوو بە دڵسۆزی و خەمخۆری لەناو هەڤاڵەکانیدا ناسرابوو ئەرکەکانی سەرشانی بە سەرکەوتووانە جێبەجێدەکرد، لەبەرامبەر ئەو خەباتە پاک و سەر راستانەدا ئەندامانی مەکتەبی سکرتارییەتی سەرۆک مام جەلال سڵاوی یەکێتییانە و وەفاداری سەرۆک بافڵ و هەڤاڵ قوباد تاڵەبانی ـ یان ئاڕاستەکراو پێزانینیان دەربڕی بۆ ئەو مێژووە گەش و درەوشاوەیە .

لایخۆیەوە، هەڤاڵ مەدحەت قەیچولی بەڕێزەوە لەسەردانەکەی رووانی و وتی: بەشانازییەوە وەک پێشمەرگە و بنەماڵەیەکی قوربانیدەر بەشێک بووین لەم کاروانی شۆڕشی نوێیە و بێدابڕان خەباتمان کرد بۆ رزگاری گەلەکەمان بە شانازییەوە پێشمەرگەی یەکێتی گەلەکەمان بووین.

PUKMEDIA