نمایشی کورتە فیلمی تایبەت بە ژیانی کوردان لە سوریا بەڕێوەدەچێت

PUKMEDIA

بەشدارانی چالاکیەکە

لە شاری شتوتگارتی ئەڵمانیا  چالاکییەکی هونەری و کەلتووری بەڕێوەچوو  کە تەرخان کرابوو بۆ پیشاندانی چەند کورتە فیلمێک سەبارەت بە ژیانی کوردان لە سوریا لە ماوەی حوکمڕانی بەشار ئەسەد.

نمایشی کورتە فیلمەکان  بە شێوەیەکی ڕاستگۆیانە باسیان  لەو ستەم و نادادپەروەرییانە دەکرد کە لە دژی گەلی کورد دەسەڵات ئەنجامی دەدا، بە تایبەتی ئەو ئازار و ناڕەحەتییانەی کە ژنانی کورد لەو سەردەمەدا تووشی دەبوون. فیلمەکان  وێنەیەکی ڕاستەقینەبوون  لە پێشاندانی ژیانی ڕۆژانە و خەباتی کوردان لە ژێر فشاری ڕژێمی بەشار ئەسەد. 

لە کۆتایی ئەم چالاکییەدا، رێباز نەجم سەرۆکی فیدراسیۆنی جیهانی کورد وەک ڕێزلێنانێک بۆ هەوڵ و دەستکەوتە هونەرییەکانی دەرهێنەری فیلمەکە، خاتوو شام جۆلی، خەڵاتی تایبەتی ڕێزلێنانی پێشکەش کرد. 

ڕێباز نەجم ئاماژەی بەوە دا کە هونەر و فیلم دەتوانن دەنگی مافخوازان و ستەملێکراوان بگەیەنن بە جیهان و ڕاستییە مێژووییەکان بپارێزن.

فیدراسیۆنی جیهانیی کورد هەروەها جەختی کردەوە لەسەر گرنگی پشتگیری لە کارە هونەری و ڕۆشنبیرییەکان کە خزمەتی ناساندنی مێژوو، کەلتوور و ئازارەکانی گەلی کورد دەکەن.

PUKMEDIA