ڕفعەت عەبدوڵا: ئەمڕۆ یادی هەڵگیرسانەوەی شۆڕشی میللەتێك دەكەینەوە

PUKMEDIA

ڕفعەت عەبدوڵا جێگری سەرۆکی یەکێتیی نیشتمانیی کوردستان

لەیادی 51 ساڵەی دامەزراندنی یەکێتیی نیشتمانیی کوردستان-دا، ڕفعەت عەبدوڵا جێگری سەرۆکی یەکێتیی نیشتمانیی کوردستان پەیامێکی بڵاوکردەوە و رایگەیاند: ئەمڕۆ یادی حزبێكی ئاسایی ناكەینەوە، بەڵكو یادی هەڵگیرسانەوەی شۆڕشی میللەتێك دەكەینەوە بەڕابەرایەتی یەکێتیی نیشتمانیی کوردستان، كە بۆ هێنانەدی سەرجەم مافە ڕەواكانی لە دژی دیكتاتۆرییەت‌ و فاشیەت، ڕووبارێك خوێنی بەخشی کەسەرچاوەکەی یەکێتیی نیشتمانیی کوردستانە.

دەقی پەیامەکە:

یەکێتی؛ ئومێدی دوێنێ، ئیرادەی ئەمڕۆ، هێزی سبەینێ

بەشكۆوە یادی 51 ساڵەی دامەزراندنی یەکێتیی نیشتمانیی کوردستان، وەك هێزێكی پێشكەوتنخوازو هەڵگیرسێنەری شۆڕشی نوێی گەلەكەمان دەكەینەوە، دروود بۆ ڕۆحی بەرزە فڕی ڕابەری كوردایەتی‌ و سەرۆكمان (مام جەلال)‌و سەرجەم شەهیدانی ڕێگای ڕزگاری كوردستان، پیرۆزبایی لەسەرجەم ئەندام و لایەنگرانی یەكێتی‌ و گشت كوردێك دەكەم.

ئەمڕۆ یادی حزبێكی ئاسایی ناكەینەوە، بەڵكو یادی هەڵگیرسانەوەی شۆڕشی میللەتێك دەكەینەوە بەڕابەرایەتی یەکێتیی نیشتمانیی کوردستان، كە بۆ هێنانەدی سەرجەم مافە ڕەواكانی لە دژی دیكتاتۆرییەت‌ و فاشیەت، ڕووبارێك خوێنی بەخشی کەسەرچاوەکەی یەکێتیی نیشتمانیی کوردستانە.

بەڵێن دووپات دەکەینەوە بۆ فەخری کوردایەتی جەنابی مام جەلال، خوێندکارێکی بەوەفاو دڵسۆز دەبین و وەك سەروەتێكی نیشتمانی لەیەکێتی دەڕوانین‌ و پاراستن‌ و گەشەكردنیشی وەك زەروریەتێكی گشتی بۆ كوردستان بە پێویست دەزانین.

ڕفعەت عەبدوڵا
جێگری سەرۆکی یەکێتیی نیشتمانیی کوردستان

PUKMEDIA