لوبنان: ئاگربەستی نێوان ئیسرائیل و حیزبولڵا تەنها هێرشەكان رادەگرێت

رۆیتەرز

هێرشی ئاسمانی بۆسەرلوبنان

لوبنان ئاگربەستی لەنێوان ئیسرائیل و حیزبوڵڵا راگەیاندو پێشبینی دەكرێت ئاگربەستەكە ببێتەهۆی كەمكردنەوەو سنوورداركردنی ململانێكانی نێوان هەردوولا كەبەهۆیەوە هەزاران كەس گیانیان لەدەستداوە.

باڵیۆزخانەی لوبنان لە واشنتۆن رایگەیاند: ئاگربەستی نێوان ئیسرائیل و حیزبوڵڵا بەتەواوی كۆتایی بە ململانێكانی نێوانیان ناهێنێت، بەڵام داوا دەكات ئیسرائیل خۆی لەهێرشەكانی بۆ سەر بەیروت و ناوچەكانی دەرەوەی شار كە لە ژێر كۆنترۆڵی حزبوڵڵادایە بپارێزێت، هاوكات پێویستە حزبوڵڵاش هێرشەكانی بۆ سەر ئیسرائیل رابگرێت.

تائێوارەی دووشەممە 1ی 6ی 2026، شەڕو پێكدادانەكان لەباشووری لوبنان لەنێوان ئیسرائیل و حیزبوڵڵا بەردەوام بوو، سەرلەبەیانی ئەمڕۆش سوپای ئیسرائیل رایگەیاند: دوو موشەكیان تێكشاندووە كە لەلوبنانەوە ئاڕاستەی باكووری ئیسرائیل كراون و هیچ زیانێكی گیانیان نەبووە.

ئەمەش لەكاتێكدایە، دۆناڵد ترەمپ، سەرۆكی ئەمریكا، رایگەیاند: حیزبوڵڵا لەڕێگەی نێوەندگیرانەوە بەڵێنیداوە هێرش نەكاتە سەر ئیسرائیل، هاوكات بنیامین ناتانیاهۆ، سەرۆكوەزیرانی ئیسرائیل-یش رەزامەندی دەربڕیوە لەسەر ئەوەی هێرش نەكەنە سەر بەیروت.

رۆژی 2ی 3ی 2026، شەڕو ئاڵۆزییەكان لەنێوان ئیسرائیل و حیزبوڵڵا بەشێوەیەكی فراوان دەستیپێكرد، هەرچەندە ئێران پێداگری كرد لەسەر راگرتنی هێرشەكانی ئیسرائیل بۆسەر لوبنان، بەڵام ئەمریكا رایگەیاند كە ئەو دوو ململانێیە جیاوازن.


PUKMEDIA سەرچاوە/ رۆیتەرز