یاریزانێکی کورد سەرکەوتنێکی گرنگى لە پاڵەوانێتیی شەترەنجى ئاسیا تۆمارکرد

تایبەت

وێنەیەکى کاتى یاریەکە

کاپتنی عیراقی و مامۆستای فیدراسیۆنی نێودەوڵەتیی شەترەنج  (FM)، زۆزک محەمەد، سەرکەوتنێکی گرنگی لە کۆتایی گەڕی شەشەمی پاڵەوانێتیی تاکەکەسیی کلاسیکی ئاسیا بۆ ساڵی 2026 تۆمار کرد، کە ئێستا لە مەنگۆلیا بەڕێوەدەچێت.

زۆزک محەمەد کە بە پارچە رەشەکان یاریی دەکرد، توانی بەسەر یاریزانی مەنگۆلی بۆڵدباتە دا سەرکەوێت و بەمەش کۆی خاڵەکانی خۆی لە پاڵەوانێتییەکەدا بۆ 3 خاڵ لە شەش گەڕی یاری بەرزکردەوە.

ئەم پاڵەوانێتییە کە ئێستا لە مەنگۆلیا بەڕێوەدەچێت و لەژێر چاودێری فیدراسیۆنی شەترەنجی ئاسیا ئەنجام دەدرێت، ژمارەیەک لە باشترین یاریزانانی کیشوەرەکەی کۆکردووەتەوە بۆ ململانێى بەدەستهێنانى نازناوی پاڵەوانی تاکەکەسیی کلاسیک.

بەرپرسانی وەرزشی عیراق هیوایان خواست کە ئەم سەرکەوتنە ببێتە هۆی بەرزبوونەوەی پێگەی یاریزانانی عیراق لە ریزبەندییە نێودەوڵەتییەکان.

PUKMEDIA