نزار ئامێدى پێشوازی لە سەرۆک وەزیرانی پێشووتری تورکیا کرد

نوسینگەى راگەیاندنى سەرۆککۆمارى عیراق

وێنەیەکى دیدارەکە

ئەمڕۆ شەممە 6ی 6ی 2026 نزار ئامێدی سەرۆککۆمارى عیراق لە پەراوێزی بەشداریکردنی لە خولی دووەمی کۆڕبەندی ئابووریی دێڵفی کە لە شاری سلێمانی بەڕێوەچوو، پێشوازیکرد لە ئەحمەد داودئۆغڵو، سەرۆکوەزیرانی پێشووتری تورکیا و سەرۆکی پارتی ئایندە.

لە میانی دیدارەکەدا کۆمەڵێک بابەتی جێی بایەخی هاوبەش تاوتوێ کرا، بەتایبەتی بابەتی ژینگەیی و ئابووری، هەروەها لە دیدارەکەدا هەردوولا پێداچوونەوەیان بە پەیوەندییەکانی نێوان عیراق و تورکیا و رێگاکانی گەشەپێدانیان کرد بۆ خزمەتکردنی بەرژەوەندییەکانی یەکتر، جەختیان لە گرنگیی بەردەوامبوونی هەماهەنگی و دیالۆگ کردەوە بۆ چەسپاندنی ئاسایش و سەقامگیری لە ناوچەکە و رووبەڕووبوونەوەی ئاستەنگەکان.

هەروەها لە کۆبوونەوەکەدا باس لە رێگاکانی پەرەپێدانی هاوکاری ئابووری، هاندانی وەبەرهێنان، و ئاڵوگۆڕی شارەزایی، هاوسەنگ بوون لەگەڵ گۆڕانکارییە ئابوورییەکان و خزمەتکردنی بەرژەوەندییەکانی گەلانی ناوچەکە کرا و جەختیان لە گرنگی بەهێزکردنی هەوڵەکان کردەوە بۆ رووبەڕووبوونەوەی ئاستەنگە ژینگەییەکان و گۆڕانی کەشوهەوا و پەسەندکردنی سیاسەتی گەشەپێدانی بەردەوام کە بەشدارە لە پاراستنی سەرچاوە سروشتییەکان و بەدیهێنانی گەشەکردن و خۆشگوزەرانی.

PUKMEDIA