سەرۆککۆمار هاوخەمی بۆ گیان لەدەستدانی ژمارەیەک هاووڵاتی بڵاو دەکاتەوە

راگەیاندنی نزار ئامێدی، سەرۆككۆماری عیراق

نزار ئامێدی، سەرۆككۆماری عیراق

نزار ئامێدی، سەرۆك كۆماری عیراق، بۆ گیان لەدەستدانی ژمارەیەك هاووڵاتی بەڕووداوی هاتووچۆ لەسەر ڕێگای پارێزگای زیقار، پرسەنامەیەكی بڵاوكردەوەو رایگەیاند: لەم كارەساتە پڕ ئازارەدا، سەرەخۆشی لە كەسوكاری قوربانییەكان دەكەین و هیوای هەرچی زوو چاكبوونەوەش بۆ بریندارەكان دەخوازین، داواش لەلایەنە پەیوەندیدارەكان دەكەین لێكۆڵینەوەی پێویست لە هۆكاری رووداوەكە بكەن.

دەقی پرسەنامەكە:

بە خەم و پەژارەیەكی قووڵەوە هەواڵی ڕووداوێكی دەڵتەزێنی هاتووچۆمان پێگەیشت كە لەسەر ڕێگای خێرا لە پارێزگای زیقار ڕوویدا، كە بووە هۆی گیان لەدەستدان و برینداربوونی ژمارەیەك لە هاووڵاتیان.

لەم كارەساتە پڕ ئازارەدا، سەرەخۆشی و هاوخەمی خۆمان ئاراستەی كەسوكاری قوربانییەكان و ئازیزانیان و هەموو عیراقییەكان دەكەین، داوا لە خودای مەزن دەكەم بەزەیی و لێبوردەی خۆی بە قوربانیان ببەخشێت و سەبوری و دڵنەوایی كەسوكار و ئازیزانیان بدات، هەروەها هیوای هەرچی زوو چاكبونەوەش بۆ بریندارەكان دەخوازین.

پاراستنی ژیان و سەلامەتی هاووڵاتیان بەرپرسیارێتییەكی نیشتمانییە و لە پێشینەی كارەكانمانە. بۆیە داوا لە لایەنە پەیوەندیدارەكان دەكەین لێكۆڵینەوەی پێویست بۆ هۆكاری ڕووداوەكە بكەن، هەروەها هەموو ڕێكارێكی جدی بگرنەبەر بۆ بەهێزكردنی پێوەرەكانی سەلامەتی هاتوچۆ، بەمەش بەشداردەبێت لە ڕێگریكردن لە دووبارەبوونەوەی ڕووداوە دڵتەزێنەكان.

انا اللە و انا الیە راجعون

نزار ئامێدی
سەرۆك كۆمار

PUKMEDIA