هێوربوونەوەی ئاڵۆزییەکان نرخی نەوت دادەبەزێنێت

PUKMEDIA

دابەزینی نرخی نەوت

ئەمڕۆ لەبازاڕەکانی جیهاندا نرخی نەوت بەڕێژەی زیاتر لە 1% دابەزی، ئەمەش دوای ئەوەی بازرگانان هەڵسەنگاندنیان بۆ ئاگربەستەکەی نێوان ئیسرائیل و ئێران کرد، کە تێیدا هەردوولا رازی بوون بەڕاگرتنی هێرشەکان وەک وەڵامدانەوەیەک بۆ داواکارییەکەی دۆناڵد ترەمپ سەرۆکی ئەمریکا.

هاوکات نەوتی خاوی برێنت بە ڕێژەی 1.2% دابەزی و گەیشتنە 93.08 دۆلار بۆ هەر بەرمیلێک، لە کاتێکدا نرخی نەوتی خاوی تەکساس بەڕێژەی 1.5% دابەزی و گەیشتە 89.89 دۆلار بۆ هەر بەرمیلێک.

ئەمەش لەکاتێکدایە، بەهۆی ناسەقامگیریی ئاگربەستەکەوە وەبەرهێنەران هێشتا بە وریاییەوە مامەڵە دەکەن، چونکە ئەگەری هەیە لە هەر ساتێکدا ئاگربەستەکە بشکێنرێت، هاوکات بەردەوامیی پەککەوتنی گەشتە دەریاییەکان لە ڕێگەی گەرووی هورمزەوە رێگری لە داڕمانی توندی نرخی نەوت کردووە، چونکە ئەو ڕێڕەوە دەریاییە بەهۆی گەمارۆی دوولایەنەی تاران و واشنتنەوە هێشتا بەداخراوی ماوەتەوە.

PUKMEDIA