دوو لە مەترسیدارترین بازرگانانی ماددەی هۆشبەر لەعیراق کوژران

راگەیاندنی ئاسایشی نیشتمانی عیراق

سەیارەی داواکراوان

لە ئەنجامی ئۆپراسیۆنێکی ئەمنیی جۆری و ڕووبەڕووبونەوەی چەکداریدا لە پارێزگای مەیسان، دوو لە مەترسیدارترین بازرگانانی ماددەی هۆشبەر لەسەر ئاستی وڵات کوژران.

دەزگای ئاسایشی نیشتمانی عیراق رایگەیاند: ئۆپراسیۆنەکە لەسەر بنەمای زانیاریی هەواڵگریی وردی بەڕێوبەرایەتییەکانی ئاسایشی بەغدا و پارێزگاکان داڕێژرابوو، تۆمەتبارەکان لە ناوچەی (قەڵای ساڵح) لە پارێزگای مەیسان گەمارۆدران و دوای تەقەکردنیان لە هێزە ئەمنییەکان، لەلایەن فەوجی تاکتیکییەوە کوژران.

راشیگەیاند: یەکێک لە کوژراوەکان ناسراوە بە (ئەبو فەتیم)، کە بە بازرگانی سەرەکی ماددەی هۆشبەری "کریستاڵ" لە عیراق دادەنرا و بەپێی ماددەی 27ی یاسای بەرەنگاربوونەوەی ماددە هۆشبەرەکان لەلایەن دادگاوە داواکراو بوو، هاوکات 
لە دوای کۆتاییهاتنی شەرەکە، دەست بەسەر بڕێک ماددەی هۆشبەر و چەکی جۆراوجۆر و چەند نارنجۆکێکی هێرشبەردا گیرا کە لای تۆمەتبارەکان بوون.

PUKMEDIA