ترەمپ: لەچەند سەعاتی داهاتوودا رێككەوتن لەگەڵ ئێران ئیمزا دەكەین

رۆیتەرز

دۆناڵد ترەمپ، سەرۆكی ئەمریكا

دۆناڵد ترەمپ، سەرۆكی ئەمریكا رایگەیاند: هەرچەندە هێرشەكەی ئیسرائیل بۆسەر لوبنان ئیمزاكردنی رێككەوتنەكەی لەگەڵ ئێران دواخست، بەڵام لەچەند سەعاتی داهاتوودا بەشێوەی ئەلكترۆنی رێككەوتنەكە ئیمزا دەكەین.

ماڵپەڕی هەواڵی ئەكسیۆسی ئەمریكی لە زاری دۆناڵد ترەمپ سەرۆكی ئەمریكاوە بڵاویكردەوە: زۆر نزیكین لە ئیمزاكردنی رێككەوتن لەگەڵ ئێراندا و لە سەرەتاشدا بە شێوەی ئەلكترۆنی دەبێت.

وتیشی: هێرشەكەی ئیسرائیل بۆسەر لوبنان ئیمزاكردنی رێككەوتنەكەی دواخست، چونكە وا بڕیاربوو ئێستا ئیمزاكرابووایە، بەڵام چەند سەعاتێك پڕۆسەكەی دواخست.

ئەكسیۆس ئەوەشی ئاشكراكردووە، لەدوای هێرشەكەی ئیسرائیل بۆسەر لوبنان، ترەمپ زۆر لە بنیامین ناتانیاهۆی سەرۆك وەزیرانی ئسیرائیل توڕە بووە.

PUKMEDIA