محەمەد سدیق: بەرۆحیەتی سەرۆک مام جەلال خزمەتی گەلەکەمان دەکەین

PUKMEDIA

بەشێک لە سەردانەکە

رۆژی ١٥ـی ٦ـی ٢٠٢٦ مەکتەبی سکرتارییەتی سەرۆک مام جەلال لە شاری سلێمانی هەڤاڵ (محەمەد سدیق  ) پێشمەرگەو تێکۆشەری دێرین یان بەسەرکردەوە . 

لەو سەردانەدا ؛ مەکتەبی سکرتارییەت هەواڵی تەندروستی هەڤاڵ محەمەد سدیق یان پرسی و هیوای باشتر بوونی تەندروستییان بۆ خواست .

مەکتەبی سکرتارییەتی سەرۆک مام جەلال بە شکۆوە لە خەبات و تێکۆشانی هەڤاڵانی شۆڕشی نوێی دەڤەری هەڵەبجە و شارەزوریان رووانی وەک بەشێکی گەورەی سەرکەوتنەکانی خەباتی چەکداری کە هەڤاڵ محەمەد سدیق یش وەک شۆڕەسوارێکی ئازاو خەباتگێڕ هەر لەسەرەتاوە بووە مەچەکێکی قایمی هێزی پێشمەرگەو لەگەڵ  هاوسەنگەرەکانی بۆ ساتێکیش دانەبڕان لە کۆڕی خەبات و تێکۆشانی کوردایەتی ؛ لەبەرامبەر ئەو رابردووەشدا سڵاوی یەکێتیانەی سەرۆک بافڵ و هەڤاڵ قوباد تاڵەبانی ییان ئاڕاستەکردوو چەپکە گوڵی رێز و وەفایان پێشکەشکرد .

لایخۆیەوە محەمەد سدیق پێشمەرگەو تێکۆشەری دێرین پێزانینی دەربڕی بۆ بەسەرکردنەوەکەی و روونی کردەوە شانازییە بۆمان کە بەشێک بووین لەو کاروانی کوردایەتییەی کە سەرۆک مام جەلال رابەرەکەی بوو  بۆ خزمەتکردنی گەل و خاکەکەشمان بەهەمان رۆحیەتەوە بەردەوام دەبین .

PUKMEDIA