هەناردەی نەوتی عیراق لەڕێگەی توركیاوە رادەگیرێت

ئاژانسەکان

کێڵگە نەوتییەکانی عيراق

توركیا رەتیدەكاتەوە بۆ ماوەی ساڵێك رێككەوتنی بۆری نەوتیی وڵاتەكەی لەگەڵ عیراق درێژبكاتەوە، شارەزایەكی نەوتیش دەڵێت: بەوهۆیەوە مانگی داهاتوو هەناردەكردنی نەوتی عیراق و هەرێم لەڕێگەی توركیاوە دەوەستێت.

د. بەهجەت ئەحمەد، راوێژكارو شارەزای نەوت و وزە، بەوێبسایتی رەسمی یەكێتیی نیشتمانیی كوردستان PUKMEDIA ی راگەیاند: حكومەتی توركیا رەتیكردووەتەوە بۆ ماوەی یەك ساڵ رێككەوتنی بۆریی نەوتیی عیراق و توركیا بەم مەرجانەی ئێستا درێژبكاتەوە.

ئاماژەی بەوەشكرد: بەم هۆكارە هەناردەكردنی نەوتی عیراق و هەرێمی كوردستان لەڕێگەی توركیاوە لە كۆتایی مانگی تەمموزی داهاتووەوە رادەوەستێت.

ئەمەش لەكاتێكدایە، بەهۆی گرژییەكان و هێرشەكانی ئیسرائیل و ئەمریكا بۆسەر ئێران، عیراق هەناردەی نەوتی لەگەرووی هورمز بەتەواوەتی راگرت و دواتر بۆ رووبەڕووبوونەوەی دۆخەكەش وەزارەتی نەوتی عیراق، لەڕێگەی بۆری نەوتی هەرێمەوە دەستی بە هەناردەكردنەوەی نەوت بۆ جیهان كردەوە.

PUKMEDIA