مەزڵووم عەبدی دەچێتە پاریس و لەگەڵ ماکرۆن کۆدەبێتەوە

PUKMEDIA

مەزڵووم عەبدی فەرماندەی گشتیی هێزەکانی سووریای دیموکرات (هەسەدە)

فەرماندەی گشتیی هێزەکانی سووریای دیموکرات (هەسەدە) بەسەردانێک گەیشتە ئەوروپا و لەگەڵ بەشێک لە بەرپرسانی ئیتاڵیا کۆبووەوە، بڕیاریشە سەردانی پاریس بكات و لەگەڵ ئیمانوێل ماکرۆن كۆببێتەوە.

مەزڵووم عەبدی فەرماندەی گشتیی هێزەکانی سووریای دیموکرات (هەسەدە) بەسەردانێک لە ئەوروپایە و لە گەڕی یەکەمی سەردانەکەیدا چووە ئیتاڵیا و لەلایەن بەرپرسانی وەزارەتی دەرەوەی ئیتاڵیاوە پێشوازی لێکرا، تەوەری سەرەکیی گفتوگۆکانی لەڕۆما بریتیبوون لە پرسی گونجاندنی دامەزراوە کوردییەکان لەگەڵ دۆخی نوێی سووریا.

هاوکات بریارە  فەرماندەی گشتیی هەسەدە سەردانی فەڕەنساش بكات و لە پاریس لەگەڵ ئیمانوێل ماکرۆن سەرۆکی فەڕەنساو وەزیری دەرەوەی ئەو وڵاتە كۆببێتەوە.

ئەمەش لەکاتێکدایە، رۆژی 17ی6ی2026 مەزڵوم عەبدی فەرماندەی گشتی هێزەکانی سوریای دیموکرات بە سەردانێکی رەسمی گەیشتە ئیتاڵیا.

PUKMEDIA