سۆمۆ: هەناردەی نەوتی کەرکوک بۆ حەوت ملیۆن بەرمیل بەرزبۆتەوە

راگەیاندنی کۆمپانیاکە

عەلی نزار، بەڕێوەبەری گشتیی کۆمپانیای بەبازاڕکردنی نەوتی عیراق (سۆمۆ)

کۆمپانیای سۆمۆ رایگەیاند: کە هەناردەکردنی نەوتی کەرکوک لە 4 ملیۆن بەرمیلەوە بۆ نزیکەی 7 ملیۆن بەرمیل لە مانگێکدا زیادی کردووە.

عەلی نزار، بەڕێوەبەری گشتیی کۆمپانیای بەبازاڕکردنی نەوتی عیراق (سۆمۆ) رایگەیاندووە: سەرەڕای قەیرانی گەرووی هورمز، عیراق توانیویەتی لە رێگەی دەروازەی باشوورەوە رۆژانە 444 هەزار بەرمیل نەوت هەناردە بکات.

جەختی لەوەش کردەوە کە عیراق سەرکەوتوو بووە لە بەبازاڕکردنی هەندێک بەرهەمی نەوتی و ماددەی کبریت لە ڕێگەی سووریا و ئوردنەوە، کە داهاتەکەیان ئاستی پێش قەیرانەکەی تێپەڕاندووە.

ئاشکراشی کرد کە دوای ڕەزامەندی ئەنجومەنی وەزیران، ڕێککەوتنێک لەگەڵ سووریا هەیە کە ڕێگە خۆش دەکات بۆ دروستکردنی هێڵێکی گواستنەوەی نەوتی خاو لەو وڵاتەوە.

PUKMEDIA