ئەنجومەنی وەزیران بۆ تاووتوێکردنی دوو پرسی گرنگ کۆدەبێتەوە

راگەیاندنی حکومەتی هەرێم

کۆبوونەوەی ئەنجومەنی وەزیران/ئەرشیف

ئەمڕۆ چوارشەممە (24ی حوزەیرانی 2026)، ئەنجومەنی وەزیران بە ئامادەبوونی سەرۆک و جێگری سەرۆکوەزیرانی حکومەتى هەرێمى کوردستان، بۆ تاووتوێکردنی دوو پرسی سەرەکی کۆدەبێتەوە.

بەپێی زانیارییەکان لە کۆبوونەوەکەدا، دوو بڕگەى سەرەکی گفتوگۆ دەکرێن و لە بڕگەى یەکەمدا، پوختەى کۆنووسی هاوبەشی نێوان دەستەى گومرگی فیدڕاڵی و گومرگی هەرێمی کوردستان، سەبارەت بە جێبەجێکردنی سیستەمی ئەسیکۆدا، کە لە ڕۆژى 18ى حوزەیرانی 2026 لە بەغداد ئیمزا کرا، گفتوگۆ دەکرێت.

هاوکات لە بڕگەى دووەمدا، چاکسازییەکان لە بوارى خانەنشینی و دەستەبەرى کۆمەڵایەتیی کرێکاران و بڕیاری دیاریکردنی کەمترین مووچەى مانگانەى خانەنشینیی کرێکارانی کەرتی تایبەت، تاووتوێ دەکرێت.

PUKMEDIA