ئیدارەی ترەمپ داوای زیاتر لە 87 ملیار دۆلار لەکۆنگرێس دەکات

ئاژانسەکان

دۆناڵد ترەمپ

پێگەی هەواڵی ئەکسیۆسی ئەمریکی بڵاویکردەوە، کابینەکەی دۆناڵد ترەمپ، سەرۆکی ویلایەتە یەکگرتووەکانی ئەمریکا، داواکارییەکی رەسمی پێشکەشی کۆنگرێسی وڵاتەکەی کردووە بۆ تەرخانکردنی بڕی 87.6 ملیار دۆلار.

بەپێی راپۆرتەکە، پشکی شێری ئەو بودجەیە کە بڕەکەی 67 ملیار دۆلارە، بۆ قەرەبووکردنەوەی تێچووەکانی وەزارەتی بەرگری تەرخاندەکرێت, هەروەها بڕی زیاتر لە 11 ملیار دۆلار بۆ پاڵپشتیکردنی جوتیاران و نزیکەی 5.1 ملیار دۆلاریش بۆ پڕۆسەی بەرەنگاربوونەوەی ڤایرۆسی ئیبۆلا لە ئەفریقای ناوەڕاست دەستنیشانکراوە.

ئەکسیۆس ئاماژەی بەوەش کردووە، ئەم داواکارییەی ئیدارەی ترەمپ ململانێیەکی توندی لە نێوان کۆنگرێسمانە دیموکراتەکان و فیدراڵییەکاندا دروستکردووە، تەوەری سەرەکی ململانێکان پەیوەستە بە یەکلاکردنەوەی پرسێکی دەستووری گرنگ، ئەویش ئەوەیە کە ئایا سوپای ئەمریکا مافی ئەوەی هەیە بەبێ گەڕانەوە و وەرگرتنی ڕەزامەندی کۆنگرێس، بڕیار لەسەر هەڵگیرسانی جەنگ بدات یاخود نا.

PUKMEDIA