نرخی یەک بەرمیل نەوتی برێنت بۆ 74 دۆلار دابەزی

میدیاکان

دابەزینی نرخی نەوت

نرخی نەوت لە بازاڕەکانی جیهان، لە دابەزینی بەردەوامدایە و نزیک دەبێتەوە لە نرخی پێش جەنگ، هۆکارەکەشی بۆ ئاسایی بوونەوەی هەناردەی نەوت لە گەروی هورمز دەگەڕێتەوە.

 ئەمڕۆ 26ی6ی2026، نرخی نەوتی برێنت 98 سەنتی دیکە دابەزی و یەک بەرمیل نەوت بە 74 دۆلار و 28 سەنت مامەڵەی پێوە دەکرێت.

هاوکات، نەوتی تەکساس، دابەزینی زیاتری بەخۆیەوە بینی و یەک دۆلار و 6 سەنتی دیکە دابەزی و یەک بەرمیل نەوتی ئەم جۆرەش بۆ 70 دۆلار و 86 سەنت دابەزی.

هۆکاری دابەزینی بەردەوامی نرخی نەوت، بۆ رێککەوتنی ئاشتی نێوان ئەمریکا و ئێران دەگەڕێتەوە، کە بەهۆیەوە گەروزی هورمز کراوەتەوە و کەشتییە نەوتهەڵگرە گیرخواردووەکان، نەوتەکەیان گواستەوە، بەشێوەیەک رۆژی پێنج شەممە نزیکەی 20 ملیۆن بەرمیل نەوت لە گەروی هورمزەوە دەرچووە، ئەم ژمارەیەش ئاماژەیە بۆ ئاسایی بوونەوەی دۆخی گەروەکە بۆ پێش جەنگ.

PUKMEDIA