بازرگانی هەرێم: زیاتر لە 157 هەزار تۆن گەنم لە جوتیاران وەرگیراوە

سایلۆی سلێمانی

وەرگرتنی گەنمی جوتیاران

تاوەکو ئێستا زیاتر لە 157 هەزار تۆن گەنم لە جوتیارانی هەرێمی کوردستان وەرگیراوە و پرۆسەکەش تا 20ی7 بەردەوام دەبێت، بەڕێوەبەری گشتیی بازرگانی و پیشەسازیی هەرێمیش ئاشکرای دەکات: پارێزگای سلێمانی بەرزترین ئاستی وەرگرتنی گەنمی تۆمار کردووە.

 نەوزاد کامیل، بەڕێوەبەری گشتیی بازرگانی و پیشەسازیی هەرێم ، رایگەیاند: تا ئێستا 157 هەزار و 249 تۆن و 140 کیلۆگرام گەنم لە جووتیاران وەرگیراوە، ئەم رێژەیەش 40% ـی ئەو بڕە گەنمەیە کە بۆ ئەمساڵ تەرخانکراوە.

پەیوەست بەو بڕەی لە پارێزگاکانیش وەرگیراوە، بەڕێوەبەری گشتیی بازرگانی و پیشەسازیی ئاشکرای کرد: 54 هەزار و 495 تۆن گەنم لە جووتیارانی پارێزگای سلێمانی وەرگیراوە و بەرزترین ئاستی وەرگرتنی گەنمیشە لە هەرێمی کوردستان، هاوکات لە هەولێر زیاتر لە 54 هەزار و 356 تۆن گەنم لە جووتیاران وەرگیراوە و لە دهۆکیش 48 هەزار و 490 تۆن گەنم وەرگیراوە.

PUKMEDIA