دەستەی دەستپاکی عیراق: رێکاری توندمان بۆ دەستگیرکردنی تۆمەتباران دەستپێکرد

PUKMEDIA

لۆگۆی دەستەی دەستپاکی عیراق

دەستەی دەستپاکی عیراق راگەیەندراوێکی لەسەر دەستگیر کردنی تۆمەتباران بە گەندەڵی بڵاوکردەوە و دووپاتی کردەوە، دەستمان بە رێوشوێنەکانی دەستگیرکردنی ئەو کەسانە کرد، کە زیانیان بە سامانی گشتی وڵات گەیاندووە:

دەقی راگەیەندراوەکەی دەستەی دەستپاکی:

دەستەی دەستپاکی عیراق دەستپێکردنی ڕێکارە توندەکانی راگەیاند سەبارەت بە جێبەجێکردنی فەرمانی دادوەری بۆ دەستگیرکردنی ژمارەیەک تۆمەتبار کە زیانیان بە سامانی گشتی دەوڵەت گەیاندووە.

ئەم دەستکەوتە بەرهەمی یەکگرتنی هەوڵە هاوبەشەکانی هەرسێ دەسەڵاتی دادوەری جێبەجێکردن و یاسادانانە لەگەڵ دەستەکە، کە بووە هۆی جێبەجێکردنی فەرمانی دەستگیرکردنی تۆمەتباران، ئەم پرۆسەیەش دوای بەدواداچوون و وردبینی و چاودێری بێوچان هات.

دەستەی دەستپاکی، دووپاتیشی دەکاتەوە، سەرجەم ڕێکارەکان بەپێی یاسا بە وردی جێبەجێ دەکرێن، دەستەکە هێز و ورەی خۆی لە پشتگیری زۆری گەل و سەروەری یاساوە وەردەگرێت، لەگەڵ ئەو پاڵپشتییە بێ سنوور و پشتیوانییە بەردەوامەی کە لەلایەن بەڕێزان سەرۆکی ئەنجومەنی باڵای دادوەری، سەرۆکی ئەنجومەنی وەزیران و سەرۆکی ئەنجومەنی نوێنەرانەوە پێشکەش دەکرێت.

 لە کۆتایشدا، دەستەی دەستپاکی دووپاتی دەکاتەوە، کە بەپێی یاسا کارپێکراوەکان رای گشتی بە وردی و شەفافی لە ئەنجامی کارەکانیان ئاگادار دەکاتەوە.

PUKMEDIA