لەفڕۆكەخانەی كەركوك دەست بەسەر 226 هەزار دۆلاردا گیرا

راگەیاندنی دەستەی گشتی گومرگەكانی عیراق

دەست بەسەر 226 هەزار دۆلاردا گیرا

دەستەی گشتی گومرگەكانی عیراق رایگەیاند: لە فڕۆكەخانەی كەركوك، دەستبەسەر بڕی 226 هەزار دۆلاری ئەمریكیدا گیراوە، كە لەلایەن گەشتیارێكەوە هەوڵدراوە ببرێتە دەرەوەی وڵات.

دەستەی گشتیی گومركی عیراق لە راگەیەندراوێكدا ئاشكرایكرد: ئەمڕۆ 5ی 7ی 2026، لەفڕۆكەخانەی كەركوك كەسێك هەوڵیداوە 226 هەزار دۆلار بباتە دەرەوەی وڵات، بەڵام لەلایەن ناوەندی گومركی فڕۆكەخانەوە لەكاتی پشكنین دەستی بەسەردا گیراوە بەهۆی ئەوەی سەرپێچی رێنماییەكانی بانكی ناوەندی عیراقی كردووە. 

دەستەكە تەئكید دەكاتەوە، بەپێی رێساو رێنماییە گومرگییە كارپێكراوەكان، رێكاریی یاسایی لەدژی گەشتیارەكە دەگیرێتەبەر.

PUKMEDIA