جێگری سەرۆکی هەرێم لەگەڵ وەفدێکی کونسوڵخانەی گشتیی ئەڵمانیا کۆبووەوە

نوسینگەی رۆژنامەوانی شێخ جەعفەر شێخ مستەفا

شێخ جەعفەر شێخ مستەفا و دانیال ئێگەرت

ئەمڕۆ چوارشەممە 8ی7ی2026 شێخ جەعفەر شێخ مستەفا جێگری سەرۆکی ‏ھەرێمی کوردستان پێشوازییکرد له‌ دانیال ئێگەرت و وەفدێکی یاوەری لە کونسوڵخانەی گشتیی ئەڵمانیا لە هەولێر.

لە کۆبوونەوەکەدا، ‌پەیوەندییەكانى ئەڵمانیا لەگەڵ عیراق و هەرێمی کوردستان و دوایین گۆڕانکارییەکان و بارودۆخی ئەمنی ناوچەکە، یارمەتییە سەربازییەکانی ئەڵمانیا لە چوارچێوەی هاوپەیمانیی نێودەوڵەتیی دژ بە داعش بۆ پێشمەرگە و چەند پرسێکی گرنگی هاوبەش، تاوتوێ کران.

هەردوولا جەختیان لە گرنگیی بەردەوامی و برەودان بە پەیوەندییەکانی نێوان هەرێمی کوردستان و ئەڵمانیا کردەوە و رۆڵی هێزەکانی هاوپەیمانیی ئەڵمانیا و هاوکارییە سەربازییەکانیان بۆ عیراق و هەرێمی کوردستان، بە پێویست زانی.

پرسی پێکهێنانی کابینەی نوێی حکومەتی هەرێمی کوردستان و یەکڕیزیی نێوان لایەنە سیاسییەکان، تەوەرێکی دیکەی گفتوگۆکانی کۆبوونەوەکە بوو.

PUKMEDIA