مەکتەبی سکرتارییەتی سەرۆک مام جەلال تێکۆشەرێکى دێرینییان بەسەرکردەوە

راگەیاندنى مەکتەبی سکرتارییەتی سەرۆک مام جەلال

وێنەیەکى سەردانەکە

ئەمڕۆ 13ی 7ی 2026، مەکتەبی سکرتارییەتی سەرۆک مام جەلال، لە شاری سلێمانی هەڤاڵ (حەسەن حسێن محەمەد) پێشمەرگە و تێکۆشەری دێرینییان بەسەرکردەوە.

لەو بەسەرکردنەوەدا ، مەکتەبی سکرتارییەتی سەرۆک مام جەلال لە نزیکەوە لە بارودۆخ و تەندروستیی هەڤاڵ حەسەن-یان پرسییەوە و هیوای تەمەندرێژی و لەشساغی زیاتریان بۆ خواست.

مەکتەبی سکرتارییەت بە شانازییەوە مێژووی پڕ لە سەروەری و خەباتی نەپساوەی هەڤاڵ حەسەن یان بەرز نرخاند، وەک پێشمەرگەیەکی ئازا و بەدەست کە سەرباری گرتن و راگواستنی خۆی و خانەوادەکەی جەسورتر دەبوو لە داوا رەواکانی گەلەکەی و بۆ ساتێکیش خافڵ نەبوو لە کۆڕی خەبات و تێکۆشان، لەبەرامبەر ئەو کۆشش و قوربانیدانەی خۆی و بنەماڵە تێکۆشەرەکەی، مەکتەبی سکرتارییەت سڵاوی یەکێتییانە و ئەمەکداریی سەرۆک بافڵ جەلال تاڵەبانی و هەڤاڵ قوباد تاڵەبانیان پێگەیاند و بە شکۆوە لە رابردووی زێڕین و پاکییان روانرا.

لای خۆیەوە ، هەڤاڵ حەسەن حسێن پێزانینی دەربڕی بۆ مەکتەبی سکرتارییەتی سەرۆک مام جەلال ، وەک ئۆرگانێکی کارا و خەمخۆر کە هەمیشە بە وەفا و ئەمەکدارییەوە خەباتگێڕان و تێکۆشەرانی دێرینی شۆڕشی نوێ و یەکێتی بەسەردەکەنەوە.

PUKMEDIA