سەرۆک وەزیرانى عیراق لە واشنتۆن لەگەڵ نێردەی تایبەتی سەرۆکی ئەمریکا کۆبووەوە

نوسینگەی راگەیاندنی سەرۆکی ئەنجومەنی وەزیران

وێنەیەکى کۆبوونەوەکە

سەرۆکی ئەنجومەنی وەزیرانى عیراق لە واشنتۆنی پایتەختی ئەمەریکا پێشوازی لە نێردەی تایبەتی سەرۆکی ئەمریکا دەکات.

نوسینگەی راگەیاندنی سەرۆکی ئەنجومەنی وەزیرانى عیراق لە راگەیەندراوێکدا رایگەیاند: عەلی فالح زەیدی سەرۆکی ئەنجومەنی وەزیرانى عیراق لە شوێنی مانەوەی خۆی لە واشنتۆنی پایتەختی ئەمەریکا پێشوازی کرد لە تۆم باراک نێردەی تایبەتی سەرۆکی ئەمریکا بۆ عیراق، لە میانی دیدارەکەدا ئاسۆی هاریکاری هاوبەشی نێوان عیراق و ولایەتەیەکگرتووەکانی ئەمریکا تاوتوێ کرا.

ئاماژەى بە ئەوەش داوە: لە دیدارەکەدا رێڕەوی پەیوەندییە ئابوورییەکانی نێوان هەردوو وڵات و پێشکەوتنی ئەم دواییانە و رێگاکانی فراوانکردنی بوارەکانی هاریکاری و هاوبەشی خرایەڕوو، هاوکات پێشهاتەکانی ناوچەکە و گرنگی پاڵپشتیکردنی هەوڵەکان بۆ بەرزکردنەوەی ئاسایش و سەقامگیری و کەمکردنەوەی ئاستی گرژییەکان و رۆڵی سەرەکی عیراق لە لێکنزیکردنەوەی بۆچوونەکان و بەشداریکردن لە هێورکردنەوەی دۆخەکە لەسەر ئاستی ناوچەیی تاوتوێی کرا.

PUKMEDIA