داهاتی یەك مانگی سلێمانی 55 ملیاری تێپەڕاند

شەفافیەت

داشبۆردی شەفافیەت

داهاتی مانگی رابردووی سلێمانی، لە رۆژی 1ی7ی2026 تا 31ی7ی2026، بڕی 55 ملیار و 406 ملیۆن و 27 هەزار و 935 دینار بووە، هاوكات داهاتی هەفتەی رابردووی سلێمانی زیاتر لە 13 ملیار دینارە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك مانگی راگەیاندووە، بە شێوەیەك بڕی 55 ملیار و 406 ملیۆن و 27 هەزار و 935 دینار بووە و 75%ی داهاتەكە بەشێوەی نەختینەیە و 23% ی داهاتەكە بەشێوەی چەكە و 2% ی مقاصەیە.

هاوكات داهاتی یەك هەفتەی سلێمانی، لە رۆژی 25ی7ی2026 تا 31ی7ی2026، بڕی 13 ملیار و 595 ملیۆن و 796 هەزار و 370 دینار بووە و 78%ی داهاتەكە بەشێوەی نەختینەیە و 22% ی داهاتەكە بەشێوەی چەكە.

رۆژی 15ی12ی2022 ، دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بە خاوەنی پڕۆژەی شەفافییەت لە داهات و خەرجی.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لە سایتی شەفافییەتەوە بزانیت.

بەپێی نوێترین ئاماری سایتی شەفافییەت  www.shafafiat.com، بڕیارە هەموو رۆژێك داهاتی ئەو شوێنانە بڵاوبكرێتەوە.

PUKMEDIA