شایسته‌ی كه‌سوكاری شه‌هیدان و زیندانیانی سیاسیی له‌ بودجه‌ی عیراق جێگیرده‌كرێت

PUKMEDIA

کەسوکاری شەهیدان

به‌مه‌به‌ستی هاوتاكردنی مووچه‌کانیان، ماف و شایسته‌ داراییه‌كانی كه‌سوكاری شه‌هیدان و زیندانیانی سیاسیی كوردستان له‌ بودجه‌ی عیراقدا جێگیر ده‌كرێت.

به‌مه‌به‌ستی هاوتاكردنی مووچه‌ی كه‌سوكاری شه‌هیدان و زیندانیانی سیاسیی هه‌رێمی كوردستان له‌گه‌ڵ عیراق و جێگیركردنی له‌ یاسای بودجه‌ی ساڵی داهاتوودا، بڕیاره‌ وه‌فدێكی وه‌زاره‌تی كاروباری شه‌هیدان و ئه‌نفالكراوانی هه‌رێمی كوردستان سه‌ردانی به‌غدا بكات و له‌گه‌ڵ سه‌رۆكایه‌تییه‌كان و وه‌زاره‌ت و لایه‌نه‌ په‌یوه‌ندیداره‌كاندا كۆببێته‌وه‌.

ئه‌حمه‌د مام ره‌سوڵ به‌ڕێوه‌به‌ری گشتیی خزمه‌تگوزارییه‌كان له‌ وه‌زاره‌تی كاروباری شه‌هیدان و ئه‌نفالكراوان به‌ كوردستانی نوێ-ی راگه‌یاند: له‌چوارچێوه‌ی ئاماده‌كارییه‌كانی هه‌رێمی كوردستان بۆ چه‌سپاندنی ماف و شایسته‌ داراییه‌كانی چینوتوێژه‌كانی خه‌ڵكی كوردستان له‌ یاسای بودجه‌ی 2027ی حكومه‌تی فیدراڵدا، وه‌فدێكی وه‌زاره‌تی كاروباری شه‌هیدان و ئه‌نفالكراوان سه‌ردانی به‌غدا ده‌كات، وتیشی: له‌میانی سه‌ردانه‌كه‌دا، وه‌فده‌كه‌ له‌گه‌ڵ سه‌رۆك كۆمار و سه‌رۆك وه‌زیران و وه‌زاره‌ته‌ تایبه‌تمه‌نده‌كانی حكومه‌تی فیدراڵدا كۆده‌بێته‌وه‌ و  گفتوگۆ له‌باره‌ی هه‌موو ئه‌و ماف و شایسته‌ داراییانه‌وه‌ ده‌كرێت كه‌ له‌ عیراقدا هه‌یه‌ و پێویسته‌ بدرێت به‌ كه‌سوكاری شه‌هیدان و زیندانیانی سیاسیی له‌ هه‌رێمی كوردستانیش.

PUKMEDIA