زریان و لافاو زیانی زۆر به‌ هندستان و ژاپۆن ده‌گه‌یه‌نێت

ئاژانسەکان

دیمەنی لافاوەکە

به‌هۆی زریان لافاوه‌وە زیانی گیانی و ماددی زۆر به‌ هه‌ردوو وڵاتی هندستان و ژاپۆن كه‌وتووه‌و زیاتر له‌ 150 هه‌زار كه‌س زه‌ره‌رمه‌ندبوون.

ئاژانسه‌كانی هندستان بڵاویانكردوه‌ته‌وه‌، ژماره‌ی گیانله‌ده‌ستدان له‌و وڵاته‌ گه‌یشتووه‌ته‌ 98 كه‌س و 155 هه‌زار و 849 كه‌سی دیكه‌ش له‌ 13 قه‌زادا زیانیان به‌ركه‌وتووه‌، هه‌روه‌ها نزیكه‌ی 10 هه‌زار و 748 هێكتار زه‌وی كشتوكاڵی ژێرئاوكه‌وتوون و زیاتر له‌ 47 هه‌زار ماڵیش زیانیان به‌ركه‌وتووه‌.

له‌ لایه‌كی دیكه‌وه‌ ده‌زگای كه‌شناسی ژاپۆن ڕ‌ایگه‌یاندووه‌، زریانی دۆلفین پارێزگای ئۆكیناوای له‌ باشووری ژاپۆن گرتووه‌ته‌وه‌ و به‌و هۆیه‌وه‌ پێنج كه‌س بریندار بوون و كاره‌بای 14 هه‌زار باڵه‌خانه‌ بڕاوه‌، هه‌روه‌ها ناوه‌ندی نیشتمانی كه‌شناسی چین ڕ‌ایگه‌یاندووه‌، پێشبینی ده‌كرێت له‌ نێوان یه‌كشه‌ممه‌ و دووشه‌ممه‌دا زریانێكی به‌هێز له‌ چین دروستببێت.

PUKMEDIA