کەشناسی: خۆڵبارین و بەرزبونەوەی نوێ لەپلەکانی گەرما تۆمار دەکرێت

PUKMEDIA

بەرزبونەوەی پلەکانی گەرما

دەستەی کەشناسی و بوومەلەرزەزانیی عیراق ڕەوشی کەشوهەوای بۆ چەند ڕۆژی داهاتوو ڕاگەیاند و پێشبینی دەکات کەشوهەوا ساماڵ و گەرم بێت لە سەرجەم ناوچەکان، لەگەڵ بەرزبوونەوەی پلەکانی گەرما و چالاکبوونی با کە دەبێتە هۆی بەرزبوونەوەی تۆز و خۆڵ لە هەندێک ناوچەدا.

بەپێی ڕاگەیەندراوی دەستەکە، ڕەوشی کەشوهەوا بۆ سبەینێ دووشەممە ساماڵ و گەرم دەبێت لە هەموو ناوچەکان، لەگەڵ هەندێک هەور لە ناوچەی باشوور. با مامناوەند دەبێت و لە هەندێک کاتدا لە ناوچەکانی ڕۆژئاوای ناوەڕاستی عیراق خێراییەکەی بۆ 40 کیلۆمەتر لە سەعاتێکدا چالاک دەبێت و دەبێتە هۆی بەرزبوونەوەی تۆز و خۆڵ، پلەکانی گەرماش کەمێک بەرز دەبنەوە.

بۆ رۆژی سێشەممەش کەشوهەوا ساماڵ و گەرم دەبێت و پلەکانی گەرما زیاتر بەرز دەبنەوە، هەرچی رۆژی چوارشەممەیە کەشوهەوا هەر ساماڵ و گەرم دەبێت، با لە ڕۆژئاوای ناوەڕاست چالاک دەبێت و تۆز و خۆڵ دروست دەکات، پلەکانی گەرما لە باشوور کەمێک بەرز دەبنەوە، لە ناوچەی ناوەڕاست کەمێک دابەزین بەخۆیانەوە دەبینن، و لە ناوچەی باکووریش وەک خۆیان دەمێننەوە.

لە رۆژی پێنجشەممەشدا کەشوهەوا ساماڵ و گەرم دەبێت، پلەکانی گەرما لە باکوور و ناوەڕاست وەک خۆیان دەبن و لە باشووریش کەمێک دابەزین تۆمار دەکەن.

پلەکانی گەرمای تۆمارکراو بۆ ڕۆژی دووشەممە:

دهۆک و سلێمانی:                                                            41 پلە
هەولێر:                                                                           43 پلە
نەینەوا:                                                                           44 پلە
کەرکووک، سەڵاحەدین و ئەنبار:                                          46 پلە
دیالە:                                                                             47 پلە
بەغدا، کەربەلا، بابل و واست:                                             48 پلە
دیوانییە، نەجەف، موسەنا و زی قار:                                    49 پلە
میسان و بەسرە:                                                              50 پلە

PUKMEDIA