بوومەلەرزەیەکی بەهێز کۆڵۆمبیا دەهەژێنێت و قوربانی لێدەکەوێتەوە

BBC News

وێنەیەکى دواى بوومەلەرزەکە

بوومەلەرزەیەک بەگوڕی 7.4 پلە کۆلۆمبیاى هەژاند، بووە هۆى ئەوەى 111 کەس گیانلەدەستبدەن و 87 کەسیش برینداربوون و سەدان باڵەخانە روخاون یان زیانیان بەرکەوتووە.
 
ئابێلاردۆ دی لا ئێسپریێلا، سەرۆکی نوێی کۆڵۆمبیا رایگەیاند: بوومەلەرزەیەکی بەهێز بەگوڕی 7.4 پلە وڵاتەکەی هەژاندووە.

بەگوێرەی راگەیەندراوە رەسمییەکان لەم رووداوەدا لانی کەم 111 کەس گیانیان لەدەستداوە، 87 کەسیش برینداربوون، 61 باڵەخانە بەتەواوی رووخاون و 1 هەزار و 575 ماڵیش زیانیان بەرکەوتووە.
 
خولیۆ فیێرۆ مۆرالێس بەڕێوەبەری رووپێوی جیۆلۆجی کۆڵۆمبیا رایگەیاند: ئەم بوومەلەرزەیە بەهێزترین بوومەلەرزەیە کە لە ماوەی دە ساڵی رابردوودا لە وڵاتەکەدا تۆمارکراوە.
 
لە ئەنجامی ئەو زیانە زۆرەی بەر کۆڵۆمبیا کەوتووە، تیمەکانی تەندروستی و بەرگریی شارستانی بۆ یارمەتیدانی قوربانییان بە هانای ناوچە زیانلێکەوتووەکانەوە چوون، هاوکات سەرکردەکانی ژمارەیەک لە وڵاتانی جیهان لە ئەمریکا، ئەوروپا و رۆژهەڵاتی ناوەڕاست ئامادەیی خۆیان بۆ پێشکەشکردنی پاڵپشتی و هاوکاری لە هەوڵەکانی رزگارکردندا دەربڕیوە.


PUKMEDIA