عیراق پێشوه‌خته‌ باج و رسومات له‌ حه‌واڵه‌ی دراوی ده‌ره‌كی دەبڕدرێت

میدیاکان

بەندەرێکی عیراق

حکومەتی عیراق بڕیاریدا لە سەرەتای مانگی ئەیلوولی داهاتووەوە، سەرجەم باج و ڕسووماتی گومرگیی شایستە لەسەر حەواڵەی دراوە دەرەکییەکان بە شێوەی پێشوەختە ببڕدرێت.

بەپێی نووسراوێکی حەمید غزی، ئەمینداری گشتیی ئەنجومەنی وەزیران، بڕیارەکە بە راسپاردەی عەلی زەیدی، سەرۆکوەزیرانی عیراق  بووە، کە لە کۆبوونەوەی 6ی8ی2026دا ئەنجامدراوە، ئامانجیش لەم کارە بۆ پاراستنی سامانی گشتی و مسۆگەرکردنی بەکارهێنانی دروستی سەرچاوەکانی دەوڵەته.

هەر بەپێی نوسراوەکە، لە 1ی ئەیلوولەوە بڕە پارە شایستەکان دەبڕدرێن و بە شێوەی ئەمانەت تۆمار دەکرێن، هاوکات سەرجەم لایەنە پەیوەندیدارەکان ڕاسپێردراون کە بە وردی بڕیارەکە جێبەجێ بکەن.

ئەم ڕێکارەی حکومەت لە چوارچێوەی هەوڵێک دێت بۆ زیادکردنی داهاتە نانەوتییەکان دێت، بەتایبەت لەم دۆخە ئاڵۆزەی کە ناوچەکەی گرتووە و گەرووی هورمز داخراوە، کە کاریگەرییان لەسەر پرۆسەی هەناردەکردن و داهاتی نەوتی عیراق دروستکردووە.

PUKMEDIA