دابەشكردنی مووچە بەردەوامە

PUKMEDIA

ديناری عيراقی

ئەمڕۆ دابەشكردنی مووچەی مانگی تەمموز بەردەوام دەبێت و بەپێی خشتەكەی وەزارەتی دارایی، زۆرترین شوێن مووچە وەردەگرن و رۆژی پێنج شەممەش كۆتایی بەدابەشكردنی مووچە دێت.

ئەمڕۆ چوارشەممە 19ی8ی2026، هەریەك لە (خاوەن پێداویستی تایبەت، مافی مرۆڤ، دەستەی دەسپاكی، دەستەی وەبەرهێنان، دەستەی ژینگە، دەزگای مین، ناوچەكانی دەرەوەی هەرێم، كۆمیسیۆنی باڵای هەڵبژاردن، دیوانی چاودێری دارایی، كاروباری شەهیدان و ئەنفالكراوان، ئاوەدانكردنەوە و نیشتەجێكردن، دارایی و ئابووری، ناوخۆ، داد، ئەنجومەنی دادوەری، پلان دانان، بازرگانی و پیشەسازی، سامانە سروشتییەكان، گواستنەوە و گەیاندن، كشتوكاڵ و سەرچاوەكانی ئاو، شارەوانی و گەشتوگوزار، كار و كاروباری كۆمەڵایەتی، ڕۆشنبیری و لاوان، كارەبا، ئەوقاف و كاروباری ئایینی، هێزی زێرەڤانی و فەرماندەی بەرگری فریاكەوتن، سەرۆكایەتی پەڕلەمان، سەرۆكایەتی ئەنجومەنی وەزیران، سەرۆكایەتی هەرێم) مووچە وەردەگرن.

هەر بەپێی خشتەكەی وەزارەتی دارایی و ئابووری حكومەتی هەرێمی كوردستان، رۆژی پێنج شەممە 20ی8ی2026، هەریەك لە (پێشمەرگە (دیوان، لیواكان)، فەرماندەیی دەڤەری 1 و دەڤەری 2، ب. پۆلیسی دام و دەزگا نەوتییەكان، ئەنجومەنی ئاسایش و دەزگای ئاسایش)مووچەكانیان وەردەگرن و كۆتایی بەدابەشكردنی مووچەی مانگی تەمووز دێت.

PUKMEDIA 

خشتەی دابەشكردنی مووچەی مانگی تەمموز: